ഷാർജ സിഎസ്ഐ പാരീഷ് അൽമായ സംഘടനയുടെ ‘കനിവ് 2024’ പദ്ധതിയുടെ ഭാഗമായി കാൻസർ ബോധവത്കരണത്തിനായുള്ള ഒരു സമഗ്ര പരിപാടിയും അതോടൊപ്പം സംഗീത സായാഹ്നവും മെയ് 25-നു വൈകുന്നേരം 7.30 മണിക്ക് ഷാർജ വർഷിപ്പ് സെന്ററിൽ നടത്തപ്പെടും.
സംഗീത സായാഹ്നം യു എ ഇയിലെ പ്രശസ്ത ക്രിസ്തീയ കോറൽ ഗ്രൂപ്പായ ‘ജോയ്ഫുൾ സിംഗേഴ്സിന്റെ’ നേതൃത്വത്തിൽ പരമ്പരാഗത ക്രിസ്തീയ കീർത്തനങ്ങളും ആധുനിക ആരാധനാ ഗാനങ്ങളും കോർത്തിണക്കി നടത്തപ്പെടുന്നതാണ്. ശ്രീ ഡേവിഡ് അനുഷ്‌ നേതൃത്വം നൽകുന്ന ഈ സംഗീത പരിപാടിയിൽ നൂറിൽ പരം കലാകാരന്മാർ പങ്കെടുക്കുന്നതായിരിക്കും.
