ഷാർജ: ആലപ്പുഴ ജില്ലാ പ്രവാസി സമാജം(AJPS), സെപ്റ്റംബർ 15 ന് തിരുവോണ നാളിൽ ഷാർജ സഫാരി മാളിൽ വെച്ച് സംഘടിപ്പിക്കുന്ന ആലപ്പുഴോത്സവം സീസൺ 4 ന്റെ ഔദ്യോഗിക പോസ്റ്റർ NTV ഷാർജ ഓഫീസിൽ വെച്ച് AJPS പ്രസിഡന്റ് ശ്രീ: റഹീസ് കാർത്തികപ്പള്ളി, ജനറൽ സെക്രട്ടറി അൻഷാദ് ബഷീർ ചാരുംമൂട്, ട്രഷറർ ശിവശങ്കർ വലിയകുളങ്ങര എന്നിവർ ചേർന്ന് NTV ചെയർമാൻ ശ്രീ: മാത്തുക്കുട്ടി കണ്ടോനിന് കൈമാറി പ്രകാശനം ചെയ്തു. തുടർന്ന് മീഡിയ കൺവീനർ ഇർഷാദ് സൈനുദ്ദീൻ NTV ചെയർമാന് AJPS ന്റെ ഉപഹാരം സമർപ്പിച്ചു.
സെപ്റ്റംബർ 15 തിരുവോണ നാളിൽ രാവിലെ 10 മണിയോടുകൂടി ഭദ്രദീപം കൊളുത്തി ആലപ്പുഴോത്സവം കോടിയേറുന്നതിനോടൊപ്പം വടംവലി മത്സരം, പൂക്കള മത്സരം, അംഗങ്ങളുടെ വൈവിദ്യമർന്ന കലാപരിപാടികളും, ഉച്ചക്ക് തിരുവോണ സദ്യയും വൈകിട്ട് 5 മണിയോടുകുടി വിശിഷ്ട വ്യക്തികൾ പങ്കെടുക്കുന്ന സാംസ്കാരിക സമ്മേളനവും രാത്രി 7 മണി മുതൽ പ്രശസ്ത പിന്നണി ഗായകൻ പാലപ്പള്ളി ഫ്രെയിം അതുൽ നറുകരയും സംഘവും അവതരിപ്പിക്കുന്ന മ്യൂസിക്ക് മെഗാ ഷോയും അരങ്ങേറുന്നതാണ്.
പോസ്റ്റർ പ്രകാശന ചടങ്ങിൽ പ്രോഗ്രാം കൺവീനർ രഞ്ജു രാജ് വലിയകുളങ്ങര, പദ്മരാജ്, രാജേഷ് ഉത്തമൻ, വിദ്യാ ബിജോഷ്, ശ്രീകല രഞ്ജു, ബിജി രാജേഷ്, ചന്ദ്രജിത്ത്, ഷിബു കായംകുളം, പ്രദീപ്, ശരത് കുമാർ,സമീർ പനവേലിൽ, നസീർ ആലപ്പുഴ, റിജോ സജി തുടങ്ങിയവർ പങ്കെടുത്തു.
