പി.പി ചെറിയാൻ
ലണ്ടൻ: കുട്ടികളുണ്ടാകാൻ സാധ്യതയില്ലെന്ന് ഡോക്ടർമാർ വിധിയെഴുതിയ ദമ്പതികൾക്ക് അൽഭുതകരമായി രണ്ട് തവണ ഇരട്ടക്കുട്ടികൾ ജനിച്ചു. ഇംഗ്ലണ്ടിലെ ഹാർട്ടിൽപൂൾ സ്വദേശികളായ അലീഷ യങ്ങും കോണർ ക്രാസ്റ്ററുമാണ് ഈ ഭാഗ്യശാലികൾ. കൗതുകകരമായ മറ്റൊരു കാര്യം, രണ്ട് ജോഡി കുട്ടികളും ജനിച്ചത് ഒരേ തീയതിയിലാണ് (നവംബർ 2).
എൻഡോമെട്രിയോസിസ് എന്ന രോഗാവസ്ഥ കാരണം അലീഷയ്ക്ക് ഗർഭധാരണം അസാധ്യമാണെന്നും ഗർഭപാത്രം നീക്കം ചെയ്യേണ്ടി വരുമെന്നും ഡോക്ടർമാർ മുന്നറിയിപ്പ് നൽകിയിരുന്നു. എന്നാൽ ശസ്ത്രക്രിയയ്ക്ക് തൊട്ടുമുമ്പ് നടത്തിയ പരിശോധനയിൽ താൻ ഗർഭിണിയാണെന്ന് അലീഷ തിരിച്ചറിഞ്ഞു. 2024 നവംബർ 2-ന് ആദ്യത്തെ ഇരട്ടക്കുട്ടികളായ ലോട്ടിയും ഹാറ്റിയും ജനിച്ചു. ഒരു വർഷത്തിന് ശേഷം കൃത്യം അതേ തീയതിയിൽ തന്നെ ഫ്ലോറൻസും വില്യമും പിറന്നു. അൽഭുതവും സന്തോഷവും നിറഞ്ഞ ഈ വാർത്ത സോഷ്യൽ മീഡിയയിൽ വൈറലായിരിക്കുകയാണ്.
