ചെന്നൈ: തമിഴ്നാട് മുഖ്യമന്ത്രി എം കെ സ്റ്റാലിനെ ആശുപത്രിയിൽ പ്രവേശിപ്പിച്ചു. ഡൗൺടൗൺ ഗ്രീംസ് റോഡിലെ അപ്പോളോ ആശുപത്രിയിലാണ് ചികിത്സയ്ക്കായി സ്റ്റാലിനെത്തിയത്. പതിവ് ആരോഗ്യ പരിശോധനയ്ക്കായാണ് സ്റ്റാലിനെ ആശുപത്രിയിൽ പ്രവേശിപ്പിച്ചതെന്ന് ആശുപത്രി പുറത്തിറക്കിയ മെഡിക്കൽ ബുള്ളറ്റിനിൽ പറയുന്നു.
ചൊവ്വാഴ്ച ആശുപത്രിവിടുമെന്നാണ് വിവരം. സംസ്ഥാനത്തെ റോഡ്, പാലം പ്രവൃത്തികളുടെ തൽസ്ഥിതി അവലോകന യോഗത്തിനിടെ സ്റ്റാലിന് ക്ഷീണം അനുഭവപ്പെട്ടിരുന്നു. ഇതേത്തുടർന്ന് ഉച്ചയോടെ ആശുപത്രിയിൽ പ്രവേശിപ്പിക്കുകയായിരുന്നു
