കൊച്ചി: ആലുവയിൽ ആറുവയസുകാരിയെ തട്ടിക്കൊണ്ടു പോയ കേസിൽ പ്രതി കസ്റ്റഡിയിൽ. പ്രതിയും അസം സ്വദേശിയുമായ അഫ്സാക്ക് ആലത്തെ പൊലീസ് ചോദ്യം ചെയ്യുകയാണ്. ഇയാൾ മദ്യലഹരിയിലാണെന്ന് പൊലീസ് പറഞ്ഞു. ആലുവ തോട്ടക്കാട്ടുക്കരയിൽ നിന്നാണ് പ്രതി പിടിയിലായത്.
എന്നാൽ പെൺകുട്ടിയെ കണ്ടെത്താനായിട്ടില്ല. തായ്ക്കാട്ടുകരയിൽ നിന്നാണ് ബിഹാർ സ്വദേശികളായ ദമ്പതികളുടെ മകളെ ഇയാൾ തട്ടിക്കൊണ്ടുപോയത്. ഇയാൾ കുട്ടിയുമായി പോകുന്ന സിസിടിവി ദൃശ്യങ്ങൾ പൊലീസിന് ലഭിച്ചിരുന്നു. കുട്ടിയുടെ അച്ഛന്റെ സുഹൃത്തു കൂടിയാണ് അഫ്സാക്ക്.
