ഹൈഡ്രജൻ ഇന്ധന മേഖലയില്‍ വിപ്ലവം സൃഷ്‍ടി്കകാനുള്ള ഒരുക്കത്തിലാണ് ഇന്ത്യയുടെ സ്വന്തം ശതകോടീശ്വരൻ മുകേഷ് അംബാനിയും റിലയൻസ് ഇന്‍ഡസ്‍ടീസും. രാജ്യത്തിന്‍റെ ഗതാഗതമേഖലയില്‍ വൻ വിപ്ലവത്തിന് വഴി തുറക്കുന്ന നീക്കങ്ങളാണ് അണിയറയില്‍ നടക്കുന്നത്. ഏതാനും മാസങ്ങള്‍ക്ക് മുമ്പാണ് മുകേഷ് അംബാനിയുടെ നേതൃത്വത്തിലുള്ള റിലയൻസ് ഇൻഡസ്ട്രീസ്, ഹൈഡ്രജൻ ഫ്യൂവൽ സെൽ സാങ്കേതികവിദ്യ ഉപയോഗിച്ച് പ്രവർത്തിക്കുന്ന ഇന്ത്യയിലെ ആദ്യത്തെ ഇന്റർസിറ്റി ലക്ഷ്വറി കൺസെപ്റ്റ് കോച്ചിനെ അവതരിപ്പിച്ചത്. ഇതിനായി മെഴ്‌സിഡസ് ബെൻസിന്റെ സഹോദര കമ്പനിയായ ഡെയ്‌മ്‌ലർ ട്രക്ക് എജിയുടെ അനുബന്ധ സ്ഥാപനമായ ഭാരത്ബെൻസുമായി സഹകരിച്ച് പ്രവർത്തിക്കുകയാണ് റിലയൻസ്. മാത്രമല്ല ട്രക്ക് എഞ്ചിൻ നിര്‍മ്മാണത്തിന് വാഹന ഭീമന്മാരായ അശോക് ലെയ്‍ലൻഡുമായും ഇലക്ട്രിക് ബസ് നിർമ്മാതാക്കളായ ഒലെക്ട്ര ഗ്രീൻടെക്കുമായുമൊക്കെ സഹകരിക്കുന്നുണ്ട് കമ്പനി.
അതേസമയം 400 കിമി മൈലേജുള്ള ഈ റിയലയൻസ് ബസുകള്‍ രാജ്യത്തെ ബസ് സര്‍വ്വീസുകളുടെ മുഖച്ഛായ തന്നെ ഒരുപക്ഷേ മാറ്റിയേക്കും. ഈ ബസുകള്‍ ഉള്‍പ്പെടെ റിലയൻസിന്‍റെ ഗതാഗതമേഖലയിലെ പദ്ധതികളെക്കുറിച്ച് കൂടുതല്‍ അറിയാം.
ഫ്യുവൽ സെൽ സംവിധാനം
റിലയൻസ് ഇൻഡസ്ട്രീസ് രൂപകൽപ്പന ചെയ്‍ത് വികസിപ്പിച്ച ഫ്യുവൽ സെൽ സംവിധാനമാണ് കോച്ചിന് കരുത്തേകുന്നത്, അന്താരാഷ്ട്ര പങ്കാളികളിൽ നിന്നുള്ള അത്യാധുനിക ഘടകങ്ങൾ ഉപയോഗിച്ചാണ് ഈ അത്യാധുനിക ബസിന്‍റെ നിര്‍മ്മാണം.
400 കിലോമീറ്റര്‍ റേഞ്ച്
H2-പവേർഡ് ബസ് 127 Kw ന്റെ മൊത്തം സിസ്റ്റം പവറും 105 Kw നെറ്റ് പവറും നൽകുന്നു, ഇത് ഇന്റർസിറ്റി ആപ്ലിക്കേഷനുകൾക്കുള്ള നിലവിലെ ഡീസൽ ബസിന് അനുസൃതമായി 300 HP ന് തുല്യമാണ്. ഇന്റർസിറ്റി ബസിന് ഒറ്റ ഹൈഡ്രജൻ നിറച്ചാൽ ഏകദേശം 400 കിലോമീറ്റർ സഞ്ചരിക്കാനും ഹൈഡ്രജൻ പോലെയുള്ള ശുദ്ധമായ ഇന്ധനത്തിൽ നഗരങ്ങൾക്കിടയിൽ ദീർഘദൂര യാത്ര നടത്താനും കഴിയും.
നിലവിൽ കൺസെപ്റ്റ് രൂപം
അടുത്തിടെ ഗോവയിൽ നടന്ന ഇന്ത്യയുടെ ജി20 പ്രസിഡൻസിക്ക് കീഴിലുള്ള നാലാമത്തെ എനർജി ട്രാൻസിഷൻസ് വർക്കിംഗ് ഗ്രൂപ്പ് മീറ്റിംഗില്‍ ഈ ഹൈഡ്രജൻ പവർഡ് കൺസെപ്റ്റ് കോച്ച് പ്രദർശിപ്പിച്ചിരുന്നു.നിലവിൽ കൺസെപ്റ്റ് രൂപത്തിലാണ് വരാനിരിക്കുന്ന ഈ ഹൈഡ്രജൻ-പവർ ബസ്. ഇത് അടുത്ത 12 മാസത്തേക്ക് വിപുലമായ പരീക്ഷണങ്ങള്‍ക്ക് വിധേയമാകും. കൂടാതെ ബസ് ഏകദേശം 300 ബിഎച്ച്പി വികസിപ്പിക്കുകയും ഇന്റർസിറ്റി ആപ്ലിക്കേഷനുകൾക്ക് അനുയോജ്യമാക്കുകയും ചെയ്യും.
അന്താരാഷ്ട്ര പങ്കാളികള്‍
ഈ ലക്ഷ്വറി ഇന്റർസിറ്റി കോച്ച് ഒരു ഫ്യൂവൽ സെൽ സംവിധാനമാണ് നൽകുന്നതെന്നും ഇത് അന്താരാഷ്ട്ര പങ്കാളികളിൽ നിന്നുള്ള അത്യാധുനിക ഘടകങ്ങൾ ഉപയോഗിച്ച് റിലയൻസ് ഇൻഡസ്ട്രീസ് രൂപകൽപ്പന ചെയ്യുകയും വികസിപ്പിക്കുകയും ചെയ്യും
2025 ഓടെ ഇന്ധനത്തിന്റെ ഉത്പാദനം
റിലയൻസ് ഇൻഡസ്ട്രീസ് (ആർഐഎൽ) ഗുജറാത്തിലെ നിർദിഷ്ട പ്ലാന്റിൽ നിന്ന് 2025 ഓടെ ഇന്ധനത്തിന്റെ ഉത്പാദനം ആരംഭിക്കാൻ ഒരുങ്ങുമ്പോൾ ഗ്രീൻ ഹൈഡ്രജൻ വിതരണം ചെയ്യുന്നതിനുള്ള അടിസ്ഥാന സൗകര്യങ്ങൾ ഒരുക്കി തുടങ്ങി
ഗ്രീൻ ഹൈഡ്രജൻ പദ്ധതി
ഗ്രീൻ ഹൈഡ്രജൻ പദ്ധതിക്കായി റിലൻസ് ഗുജറാത്തിൽ 74,750 ഹെക്ടർ ഭൂമി 40 വർഷത്തെ പാട്ടത്തിന് സ്വീകരിച്ചു, ഗ്രീൻ ഹൈഡ്രജൻ വിതരണത്തിനായി യഥാർത്ഥ ഉപകരണ നിർമ്മാതാക്കളുമായി (OEMs) കൈകോർക്കുകയും ചില്ലറ വിൽപ്പനയ്ക്ക് അടിത്തറയിടുകയും ചെയ്യുന്നു. ജിയോ-ബിപി ഔട്ട്‌ലെറ്റുകൾ വഴി 2025 ഓടെ ഇന്ധനത്തിന്റെ ഉത്പാദനം ആരംഭിക്കുമെന്ന് അധികൃതർ പറഞ്ഞു.
ഗ്രീൻ എനർജി പ്ലാനിൽ 10 ബില്യൺ ഡോളർ
ഏകദേശം 1,500 റീട്ടെയിൽ ഔട്ട്‌ലെറ്റുകൾ ഉണ്ട്. അത് 5,000 ആയി വികസിപ്പിക്കാൻ പദ്ധതിയിടുന്നു. അടുത്ത ദശകത്തിൽ ഹൈഡ്രജന്റെ വില കിലോഗ്രാമിന് ഒരു ഡോളറായി കുറയ്ക്കാൻ ഇന്ത്യയ്ക്ക് ആക്രമണാത്മക ലക്ഷ്യം നേടാൻ കഴിയുമെന്ന് 2021-ൽ റിലയൻസ് ഇൻഡസ്ട്രീസ് ചെയർമാൻ മുകേഷ് അംബാനി പറഞ്ഞിരുന്നു. റിലയൻസ് ഇൻഡസ്ട്രീസിന്റെ ഗ്രീൻ എനർജി പ്ലാനിൽ 10 ബില്യൺ ഡോളർ നിക്ഷേപിക്കാനുള്ള പദ്ധതി നേരത്തെ അവതരിപ്പിച്ചിരുന്നു എന്നത് എടുത്തുപറയേണ്ടതാണ്.
അശോക് ലെയ്‌ലാൻഡുമായും ഒലെക്ട്ര ഗ്രീൻടെക്കുമായും സഹകരണം
റിലയൻസ് ഇൻഡസ്ട്രീസ് അടുത്തിടെ അശോക് ലെയ്‌ലാൻഡുമായി സഹകരിച്ച്, ഹെവി-ഡ്യൂട്ടി ട്രക്കുകൾക്ക് അനുയോജ്യമായ രാജ്യത്തെ ആദ്യത്തെ ഹൈഡ്രജൻ ഇന്റേണൽ കംബസ്‌ഷൻ എഞ്ചിൻ റിലയൻസ് അവതരിപ്പിച്ചിരുന്നു. ബാംഗ്ലൂരിൽ നടന്ന ഇന്ത്യ എനർജി വീക്കിൽ പ്രധാനമന്ത്രി നരേന്ദ്ര മോദിയാണ് എഞ്ചിൻ ഈ ഫ്ലാഗ് ഓഫ് ചെയ്‍തത്. ആഭ്യന്തര വിപണിയിൽ അടുത്ത തലമുറ ഗതാഗത സംവിധാനം ലഭ്യമാക്കുന്നതിനായി ഹൈഡ്രജൻ ബസ് വികസിപ്പിക്കുന്നതിനായി ഇന്ത്യയിലെ ഏറ്റവും വലിയ ശുദ്ധമായ ഇലക്ട്രിക് ബസ് നിർമ്മാതാക്കളായ ഒലെക്ട്ര ഗ്രീൻടെക്കുമായുള്ള സാങ്കേതിക സഹകരണം റിലയൻസ് പ്രഖ്യാപിച്ചു.
ഇവി ചാർജിംഗ് സൊല്യൂഷനുകൾ
ഈ വർഷം മാർച്ചിൽ റിലയൻസ് ഇൻഡസ്ട്രീസിന്റെ (ആർഐഎൽ) ഫ്യുവൽ ആൻഡ് മൊബിലിറ്റി സംയുക്ത സംരംഭമായ ജിയോ-ബിപിയും പിരാമൽ ഗ്രൂപ്പിന്റെ റിയൽ എസ്റ്റേറ്റ് വിഭാഗമായ പിരാമൽ റിയാലിറ്റിയും പിരാമലിന്റെ എല്ലാ റെസിഡൻഷ്യൽ പ്രോജക്റ്റുകളിലും ലോകോത്തര ഇവി ചാർജിംഗ് സൊല്യൂഷനുകൾ നൽകുന്നതിനുള്ള പങ്കാളിത്തം പ്രഖ്യാപിച്ചിരുന്നു.
