15-കാരിയായ സാഹോദരിയെ പീഡിപ്പിച്ച് ഗർഭിണിയാക്കിയ സംഭവത്തിൽ 13-കാരനായ സഹോദരനെതിരെ പോക്സോ ചുമത്തി. നവി മുംബൈയിലാണ് ദാരുണ സംഭവം. വശി ജനറൽ ആശുപത്രിയാണ് വിവരം പൊലീസിനെ അറിയിച്ചത്. ഗർഭഛിദ്രത്തിനായി കുട്ടിയുടെ മാതാപിതാക്കൾ ആശുപത്രിയിലെത്തിയതോടെയാണ് പീഡന വിവരം പുറത്തായത്. പെൺകുട്ടി മൂന്നുമാസം ഗർഭിണിയാണെന്ന് പൊലീസ് വ്യക്തമാക്കി.
ഇരുവരും കഴിഞ്ഞ ഡിസംബറിൽ അശ്ലീല ചിത്രം കണ്ടശേഷം അതുപോലെ അനുകരിക്കാൻ ശ്രമിച്ചു. പിന്നീട് ശാരീരിക ബുദ്ധിമുട്ടുകൾ തോന്നിയതോടെ ശ്രമം ഉപേക്ഷിച്ചു. എന്നാൽ ജനുവരിയിൽ സഹോദരൻ തന്നെ ബലം പ്രയോഗിച്ച് പീഡിപ്പിച്ചെന്ന് 15-കാരി പറഞ്ഞു. മാസമുറ തെറ്റിയതോടെയാണ് കുട്ടി ഇക്കാര്യം മാതാപിതാക്കളെ അറിയിക്കുന്നത്.
ഇങ്ങനെയാണ് അവർ കുട്ടിയുമായി ആശുപത്രിയിലെത്തിയതെന്ന് പൊലീസ് പറഞ്ഞു. സാമ്പത്തികമായി പിന്നാക്കം നിൽക്കുന്ന കുടുംബമാണ് ഇവരുടേത്. രണ്ടുമക്കളടങ്ങുന്ന കുടുംബത്തെ അച്ഛനും അമ്മയും വീട്ടുജോലിക്ക് പോയാണ് പുലർത്തുന്നത്.
