ആൾ ഇന്ത്യ മലയാളി
അസോസിയേഷൻ (ഐമ) യുടെ ദേശീയ എക്സിക്യൂട്ടീവ് കമ്മിറ്റി യോഗവും സാംസ്‌കാരിക സമ്മേളനവും സംഘടിപ്പിച്ചു. ജനുവരി 25 ന് മഹാരാഷ്ട്ര സംസ്ഥാന കമ്മിറ്റിയുടെ നേതൃത്വത്തിൽ,നേരുൾ അഗ്രി കോളി സംസ്കൃതി ഭവനിൽ സാംസ്‌കാരിക സമ്മേളനവും, കലാപരിപാടികളും അരങ്ങേറി.
ഐമ ദേശീയ അധ്യക്ഷൻ ഗോകുലം ഗോപാലൻ ഉത്ഘാടനം ചെയ്തു. രാജ്യത്തിന്റെ എല്ലാ സംസ്ഥാനങ്ങളിൽ നിന്നുള്ള നേതാക്കളും പങ്കെടുത്തു. വൈകിട്ട് നടന്ന സാംസ്‌കാരിക സമ്മേളനത്തിൽ പ്രശസ്ത കവി മുരുകൻ കാട്ടാക്കട മുഖ്യ അതിഥിയായി. സജി എബ്രഹം രചിച്ച ” ബോംബെ ” ചരിത്രവും വാർത്തമാനവും എന്ന പുസ്‌തകം ഗോകുലം ഗോപാലൻ വി കെ മുരളീധരന് നൽകി പ്രകാശനം ചെയ്തു. പുസ്തകത്തെ കുറിച്ച് എൻ ബി എസ് ചെയർമാനും സാഹിത്യകാരനുമായ പി കെ ഹരികുമാർ സംസാരിച്ചു.
തുടർന്ന് ഐമ മഹാരാഷ്ട്ര അവതരിപ്പിച്ച കലാപരിപാടികളും, പ്രശസ്ത ഗായകൻ അലോഷി ആദത്തിന്റെ ഗസലും ഉണ്ടായിരുന്നു.
ഐമ ചെയർമാൻ ബാബു പണിക്കർ, ജനറൽ സെക്രട്ടറി കെ ആർ മനോജ്‌, ബിനു ദിവാകരൻ, അനിത പാലേരി, ഐമ മഹാരാഷ്ട്ര പ്രസിഡന്റ്‌ ടി എ ഖാലിദ്, സെക്രട്ടറി നടരാജൻ, ഉപേന്ദ്രമേനോൻ, ജ്യോതിന്ദ്രൻ മുണ്ടക്കൽ തുടങ്ങിയവർ പ്രസംഗിച്ചു.
വാർത്ത : സുനിൽ കുമാർ
(നാഷണൽ പബ്ലിക് റിലേഷൻ ഓഫീസർ
ഐമ)
