ഓസ്ട്രേലിയ: ഇന്ത്യൻ ഓവർസിസ് കോൺഗ്രസിന്റെയും ഒഐസിസി ഓസ്ട്രേലിയയുടേയും നേതൃത്വത്തിൽ സംഘടിപ്പിച്ച വെബ് കോൺഫറൻസിൽ ഓസ്ട്രേലിയയുടെ വിവിധ ഭാഗങ്ങളിലുള്ള കോൺഗ്രസ് പ്രവർത്തകരും മുൻ പാർട്ടി / പോഷക സംഘടനാ ഭാരവാഹികളും പങ്കെടുത്തു. തങ്ങളുടെ വ്യക്തി ജീവിതത്തിലും രാഷ്ട്രീയ ജീവിതത്തിലും ഉമ്മൻ ചാണ്ടിയുമായിട്ടുണ്ടായിട്ടുള്ള നിരന്തര സമ്പർക്കത്തിന്റെ മധുരസ്മരണകൾ പ്രവർത്തകർ പരസ്പരം പങ്കുവച്ചു.
പകരക്കാരനില്ലാത്ത രാഷ്ട്രീയ നേതാവായിരുന്നു ശ്രീ ഉമ്മൻചാണ്ടിയെന്ന് ഒഐസിസി മുൻ ഗ്ലോബൽ കമ്മറ്റിയംഗം ശ്രീ ബിജു സ്കറിയ അനുസ്മരിച്ചു.
ലാളിത്യത്തിന്റെ പ്രതിരൂപവും പാവങ്ങളുടെ അത്താണിയുമായിരുന്നു ശ്രീ ഉമ്മൻ ചാണ്ടിയെന്ന് ഐഒസി കേരളാ ചാപ്റ്റർ നേതാവ് ശ്രീ സി. പി. സാജു അഭിപ്രായപ്പെട്ടു.
ഐഒസി കേരളാ ചാപ്റ്റർ പ്രസിഡണ്ട് ശ്രീ അഫ്സൽ അബ്ദുൾ ഖാദർ നേതൃത്വം കൊടുത്ത അനുസ്മരണ യോഗത്തിൽ ഒഐസിസി വിക്ടോറിയ മുൻ പ്രസിഡണ്ട് മാർട്ടിൻ ഉറുമിസ്, ഒഐസിസി നേതാവ് ജിൻസൺ കുര്യൻ, ഐഒസി നേതാക്കന്മാരായ അരുൺ പാലക്കലോടി, ജിജേഷ് പുത്തൻവീട് എന്നിവർ സംബന്ധിച്ചു. ഐഒസി കേരളാ ചാപ്റ്റർ സെക്രട്ടറി ശ്രീ ബോബൻ തോമസ് പരിപാടിയിൽ പങ്കെടുത്ത എല്ലാവർക്കും നന്ദി രേഖപ്പെടുത്തി.
