കോട്ടയം: തിരുവല്ല എസ് സി കുന്നിലെ മാർത്തോമാ സഭ ആസ്ഥാനത്തെത്തി പുതുപ്പള്ളി ഉപതിരഞ്ഞെടുപ്പിലെ യുഡിഎഫ് സ്ഥാനാർത്ഥി ചാണ്ടി ഉമ്മൻ. സഭാ തലവൻ ഡോക്ടർ തീയാഡോഷ്യസ് മാർത്തോമ മെത്രാപ്പോലീത്തയെ കണ്ട് അനുഗ്രഹം വാങ്ങാനാണ് ചാണ്ടി ഉമ്മൻ എത്തിയത്.
രാവിലെ പത്തോടെ സഭ ആസ്ഥാനത്തെത്തിയ ചാണ്ടി ഉമ്മനെ ഡിസിസി പ്രസിഡന്‍റ് പ്രൊഫസർ സതീഷ് കൊച്ചുപറമ്പിൽ, യുഡിഎഫ് ജില്ല ചെയർമാൻ വർഗീസ് മാമൻ, ബ്ലോക്ക് കമ്മിറ്റി പ്രസിഡൻറ് ഈപ്പൻ കുര്യൻ തുടങ്ങിയ നേതാക്കൾ ചേർന്ന് സ്വീകരിച്ചു. അതേസമയം, പുതുപ്പള്ളി ഉപതിരഞ്ഞെടുപ്പില്‍ ഇടതുപക്ഷത്തിന്റെ സ്ഥാനാര്‍ത്ഥിയായി ജെയ്ക് സി തോമസിനെ ഇന്ന് ഔദ്യോഗികമായി പ്രഖ്യാപിക്കും.
സിപിഐഎം സംസ്ഥാന സെക്രട്ടേറിയറ്റാണ് ജെയ്കിനെ സ്ഥാനാര്‍ത്ഥിയായി തിരഞ്ഞെടുത്തത്. പാര്‍ട്ടി സംസ്ഥാന സെക്രട്ടറി എം വി ഗോവിന്ദന്‍ കോട്ടയത്ത് വെച്ച് ജെയ്കിന്റെ സ്ഥാനാര്‍ത്ഥിത്വം പ്രഖ്യാപിക്കും.
