ആല്‍ബര്‍ട്ട: കാനഡയുടെ ഉപപ്രധാനമന്ത്രിയും ധനമന്ത്രിയുമായ ക്രിസ്റ്റിയ ഫ്രീലാന്‍ഡിന് കഴിഞ്ഞയാഴ്ച ആല്‍ബര്‍ട്ടയില്‍ അമിതവേഗതയില്‍ വാഹനം ഓടിച്ചതിന് പിഴ ചുമത്തി.
ബുധനാഴ്ച പ്രിന്‍സ് എഡ്വേര്‍ഡ് ദ്വീപില്‍ ഉച്ചകഴിഞ്ഞാണ് സംഭവം. ”എനിക്ക് പരിധിയില്‍ കവിഞ്ഞ വേഗതയ്ക്ക് പിഴനോട്ടീസ് ലഭിച്ചു,” ഫ്രീലാന്‍ഡ് മാധ്യമപ്രവര്‍ത്തകരോട് ക്രിസ്റ്റിയ സ്ഥിരീകരിച്ചു.
ഗ്രാന്‍ഡെ പ്രേരിയ്ക്കും പീസ് റിവറിനും ഇടയില്‍ വാഹനമോടിക്കുന്നതിനിടയിലാണ് തന്നെ ട്രാഫിക് പോലീസ് പിടികൂടിയതെന്ന് ക്രിസ്റ്റിയ ഫ്രീലാന്‍ഡ് പറഞ്ഞു.
‘ഞാന്‍ വളരെ വേഗത്തില്‍ ഡ്രൈവ് ചെയ്യുകയായിരുന്നു, ഇനി ഞാന്‍ അത് ചെയ്യില്ല.’
മണിക്കൂറില്‍ 132 കിലോമീറ്റര്‍ ഓടിയതിന് 273 ഡോളറാണ് പിഴ ചുമത്തിയത്. ആല്‍ബെര്‍ട്ടയില്‍, ഹൈവേകളിലെ പരമാവധി വേഗത പരിധി മണിക്കൂറില്‍ 110 കിലോമീറ്ററാണ്.
ഡൗണ്‍ടൗണ്‍ ടൊറന്റോ റൈഡിംഗിനെ പ്രതിനിധീകരിക്കുന്ന ഉപപ്രധാനമന്ത്രി, കാട്ടുതീയില്‍ നിന്ന് രക്ഷപ്പെട്ടവര്‍, ആല്‍ബെര്‍ട്ട പ്രീമിയര്‍ ഡാനിയേല്‍ സ്മിത്ത്, ഊര്‍ജ മേഖലാ നേതാക്കള്‍ എന്നിവരുമായി കൂടിക്കാഴ്ച നടത്താന്‍ സ്വന്തം പ്രവിശ്യയില്‍ എത്തിയപ്പോഴായിരുന്നു ട്രാഫിക് നിയമ ലംഘനം കണ്ടെത്തിയത്.
മുന്‍ റിബല്‍ മീഡിയ അവതാരകന്റെ നേതൃത്വത്തിലുള്ള ‘ദി കൗണ്ടര്‍ സിഗ്‌നല്‍’ എന്ന വെബ്സൈറ്റ് ആണ് മന്ത്രിയുടെ റോഡ് നിയമലംഘനവും പിഴയും സംബന്ധിച്ച വാര്‍ത്ത പ്രത്യക്ഷപ്പെട്ടത്. സംഭവത്തെക്കുറിച്ച് ബുധനാഴ്ച അഭിപ്രായം പറയാന്‍ ഫ്രീലാന്‍ഡിനോട് വൈബ്‌സൈറ്റ് ആവശ്യപ്പെട്ടിരുന്നു, എന്നാല്‍ പിന്നീട് അവരുടെ ഓഫീസ് വാര്‍ത്ത സ്ഥിരീകരിച്ചു.
പിഴയുടെ മുഴുവന്‍ തുകയും ധനമന്ത്രി നല്‍കിയതായി ഫ്രീലാന്‍ഡിന്റെ ഓഫീസിലെ ഒരു സ്രോതസ്സ് സിടിവി ന്യൂസിനോട് പറഞ്ഞു.
ഗ്യാസിന്റെയും കാര്‍ബണിന്റെയും വില വര്‍ധിക്കുന്ന പശ്ചാത്തലത്തില്‍, ഒരു ഫെഡറല്‍ മന്ത്രിയെന്ന നിലയില്‍ കാറിലേക്കും ഡ്രൈവറിലേക്കും ഉള്ള പ്രവേശനത്തെക്കുറിച്ച് പരാമര്‍ശിക്കാതെ, സ്വന്തമായി കാര്‍ ഇല്ലാത്തതിനെക്കുറിച്ചുള്ള മന്ത്രിയുടെ അഭിപ്രായങ്ങളില്‍ ഫ്രീലാന്‍ഡ് കഴിഞ്ഞ മാസം കണ്‍സര്‍വേറ്റീവുകളില്‍ നിന്ന് വിമര്‍ശനം നേരിട്ടു.
‘എന്റെ അച്ഛനെ ഇപ്പോഴും ഞെട്ടിക്കുന്ന ഒരു വസ്തുത, എനിക്ക് യഥാര്‍ത്ഥത്തില്‍ ഒരു കാര്‍ ഇല്ല എന്നതാണ്,’ ജൂലൈ അവസാനം പിഇഐയില്‍ നടന്ന ഒരു പരിപാടിയില്‍ ഫ്രീലാന്‍ഡ് മാധ്യമപ്രവര്‍ത്തകരോട് പറഞ്ഞു. സബ്വേയുടെ സാമീപ്യത്തെക്കുറിച്ചും നടത്തത്തിനോ ബൈക്കിങ്ങിനോ ഉള്ള തന്റെ മുന്‍ഗണനയെക്കുറിച്ചും ഫ്രീലാന്‍ഡ് സംസാരിച്ചു.
‘എനിക്ക് അങ്ങനെ ജീവിക്കാന്‍ കഴിയും, പക്ഷേ ഞാന്‍ വടക്കന്‍ ആല്‍ബര്‍ട്ടയിലെ ഒരു ചെറിയ പട്ടണത്തിലാണ് വളര്‍ന്നത്, എനിക്ക് 16 വയസ്സ് തികഞ്ഞ ദിവസം തനിക്ക് ഡ്രൈവിംഗ് ലൈസന്‍സ് ലഭിച്ചുവെന്നും ഫ്രീലാന്‍ഡ് പറഞ്ഞു
