പി പി ചെറിയാൻ
ചിക്കാഗോ :ക്രിസ്റ്റൽ തടാകത്തിനു സമീപമുള്ള വീട്ടിൽ ബുധനാഴ്ച പുലർച്ചെ നടന്ന വെടിവയ്പ്പിൽ തോക്കുധാരിയെന്ന് പറയപ്പെടുന്നയാളടക്കം നാല് പേർ കൊല്ലപ്പെട്ടു. ഒരാളുടെ നില ഗുരുതരമാണ്.
മൂന്ന് സ്ത്രീകൾ സംഭവസ്ഥലത്ത് തന്നെ മരിച്ചതായി ബുധനാഴ്ച രാവിലെ നടത്തിയ വാർത്താസമ്മേളനത്തിൽ അധികൃതർ സ്ഥിരീകരിച്ചു. അജ്ഞാതനായ നാലാമത്തെ വ്യക്തിയെ ഏരിയാ ആശുപത്രിയിൽ എത്തിച്ചെങ്കിലും പിന്നീട് മരിച്ചു. വെടിയേറ്റ അഞ്ചാമത്തെ വ്യക്തിയെയും ആശുപത്രിയിൽ പ്രവേശിപ്പിച്ചു, അവർ ഇപ്പോഴും ഗുരുതരാവസ്ഥയിലാണെന്ന് അധികൃതർ അറിയിച്ചു.
അഞ്ച് വ്യക്തികളും ഒരു വീട്ടിൽ ഒരുമിച്ചാണ് താമസിച്ചിരുന്നത്, വെടിവെപ്പിൽ കൊല്ലപ്പെട്ട നാല് പേരെ വ്യാഴാഴ്ച ഉദ്യോഗസ്ഥർ തിരിച്ചറിഞ്ഞു.5805 വൈൽഡ് പ്ലം റോഡി ലുള്ള വീട്ടിലെ ഒരു കുടുംബാംഗം ബന്ധുക്കളെ വെടിവയ്ക്കുകയാണെന്ന് ബുധനാഴ്ച രാവിലെ മക്‌ഹെൻറി കൗണ്ടി ഷെരീഫിന്റെ ഡെപ്യൂട്ടികൾകു സന്ദേശം ലഭിച്ചു
സംഭവസ്ഥലത്തെത്തിയ ഡെപ്യൂട്ടികൾ മൂന്ന് സ്ത്രീകൾ മരിച്ചതായും മറ്റൊരു സ്ത്രീയെയും ഒരു പുരുഷനെയും ഗുരുതരമായി പരിക്കേറ്റതായും കണ്ടെത്തി. അക്രമിയെന്ന് ആരോപിച്ച് അധികാരികൾ വിശേഷിപ്പിച്ച ആൾ പിന്നീട് മരിച്ചു. രക്ഷപ്പെട്ട സ്ത്രീയുടെ അവസ്ഥയെക്കുറിച്ച് അധികൃതർ വിവരങ്ങൾ വെളിപ്പെടുത്തിയിട്ടില്ല
വെടിവെപ്പിൽ കൊല്ലപ്പെട്ട നാല് പേരിൽ മൂന്ന് സ്ത്രീകൾ .ലോറൻ സ്മിത്ത്-സോങ്, 32, യുന സോങ്, 49, ചാങ് സോങ്, 73, എന്നിവരെ കൊറോണർ തിരിച്ചറിഞ്ഞു 44 കാരനായ ജീൻ സോങ് ആയിരുന്നു ആക്രമണകാരിയെന്ന് സംശയിക്കുന്നു.
