പി പി ചെറിയാൻ
ഹൂസ്റ്റൺ : അമേരിക്കയിലെ ഏറ്റവും പ്രായം കൂടിയ വ്യക്തിയും ലോകത്തിലെ ഏറ്റവും പ്രായം കൂടിയ മൂന്നാമത്തെ വ്യക്തിയുമായ എലിസബത്ത് ഫ്രാൻസിസ് 115-ാം വയസ്സിൽ അന്തരിച്ചു. ഹൂസ്റ്റണിലെ എലിസബത്ത് രാജ്ഞി എന്നായിരുന്നു ഫ്രാൻസിസ് അറിയപ്പെട്ടിരുന്നത്. ഒക്ടോബർ 22ന് ഹൂസ്റ്റണിലായിരുന്നു മരണം.
1909 ൽ ലൂസിയാനയിൽ ജനിച്ച ഫ്രാൻസിസ് രണ്ട് ലോകമഹായുദ്ധങ്ങൾ, അമേരിക്കയുടെ പൗരാവകാശ പോരാട്ടം, 20 പ്രസിഡന്റുമാർ അധികാരത്തിൽ വരുന്നതും കണ്ട വ്യക്തിയാണ്. ഈ വർഷത്തെ 115-ാം ജന്മദിനത്തിൽ മിഷേൽ ഒബാമയിൽ നിന്ന് ഫ്രാൻസിസിന് കത്ത് ലഭിച്ചിരുന്നു.
