വോൽവർഹാംട്ടൺ : കല്ലൂപ്പാറ തുരുത്തിക്കാട് സ്വദേശി വോൽവർഹാംട്ടണിൽ താമസിക്കുന്ന ശ്രീ ബില്‍സെന്റ് ഫിലിപ്പിന്റെയും ശ്രീമതി ജെയ്‌മോള്‍ വര്‍ക്കിയുടെയും മകള്‍ ഹന്ന മേരി ഫിലിപ് മോൾ (6 വയസ്സ്) യു കെ യിൽ നിര്യാതയായി.
പനി പിടിപെട്ടതിന തുടര്‍ന്ന് ഒരു മാസം മുന്‍പാണ് ഹന്ന മോൾക്ക് ചികിത്സ ആരംഭിച്ചത്. പനി വിട്ടു മാറാത്തതിനെ തുടര്‍ന്ന് ബര്‍മിങ്ഹാം വിമണ്‍സ് ആന്‍ഡ് ചില്‍ഡ്രന്‍സ് എന്‍ എച്ച് എസ് ഹോസ്പിറ്റലില്‍ പ്രവേശിപ്പിച്ചു. തുടര്‍ന്ന് വിദഗ്ദ ചികിത്സയില്‍ തുടരവേയാണ് ഹന്ന വിട വാങ്ങിയത്. ഹൃദയാഘാതമാണ് മരണ കാരണമെന്നാണ് പ്രാഥമിക നിഗമനം.
എട്ട് മാസം മുന്‍പാണ് ഹന്നയും ഇളയ സഹോദന്‍ ആല്‍ബിനും തുരുത്തിക്കാട്ട് നിന്നും പിതാവ് ബില്‍സെന്റിന് ഒപ്പം യു കെ യില്‍ എത്തിയത്. നേഴ്‌സായ ഹന്നയുടെ അമ്മ ശ്രീമതി ജെയ്‌മോള്‍ക്ക് സ്വകാര്യ കെയര്‍ ഹോമിലാണ് ജോലി.
സംസ്കാരം ഓഗസ്റ്റ് 3 ശനിയാഴ്ച്ച രാവിലെ 111.30 മണിക്ക് തുരുത്തിക്കാട് മാർത്തോമ്മ പള്ളിയിൽ വച്ച് നടക്കും. ദുഃഖത്തിൽ ആയിരിക്കുന്ന പ്രിയപ്പെട്ടവരെയും കുടുംബങ്ങളെയും പ്രാർത്ഥനയിൽ ഓർക്കുക.
