ദിസ്‌പുർ: പ്രധാനമന്ത്രി നരേന്ദ്ര മോദിക്കെതിരായ കോണ്‍ഗ്രസ് വക്താവ് പവന്‍ ഖേരയുടെ പരാമര്‍ശത്തിന് മറുപടിയുമായി അസം മുഖ്യമന്ത്രി ഹിമന്ത ബിശ്വ ശര്‍മ. പ്രധാനമന്ത്രിക്കെതിരായ ഇത്തരം മോശമായ പരാമർശങ്ങൾ രാജ്യം വച്ചുപൊറുപ്പിക്കില്ലെന്ന് കോൺഗ്രസ് നേതാക്കൾ ഓർക്കണമെന്ന് അദ്ദേഹം പറഞ്ഞു.
സാധാരണക്കാരനായ ഒരാള്‍ പ്രധാനമന്ത്രി പദവിയിൽ എത്തിയതിലുള്ള അവജ്ഞയില്‍ നിന്നുണ്ടായ പരാമർശമാണ് ഇത്. കോണ്ഗ്രസിന്റെ ഉന്നത നേതാക്കൾ അറിഞ്ഞതുകൊണ്ടാണ് പ്രധാനമന്ത്രിയുടെ പിതാവിനെക്കുറിച്ച് മോശം പരാമർശം വക്താക്കൾ നടത്തുന്നത് എന്നും ഹിമന്ത ആരോപിച്ചു.
ഗൗതം അദാനി വിഷയത്തെക്കുറിച്ചുള്ള വാർത്താസമ്മേളനത്തിനിടെയായിരുന്നു ഖേരയുടെ പരാമർശം. നരേന്ദ്ര ദാമോദർ ദാസ് മോദി എന്നതിന് പകരം നരേന്ദ്ര ഗൗതം ദാസ് മോദി എന്നാണ് കോണ്‍ഗ്രസ് വക്താവ് പ്രധാനമന്ത്രിയെ വിശേഷിപ്പിച്ചത്.
പ്രസ്താവന വിവാദമായത്തിന് പിന്നാലെ, മോദിയുടെ പിതാവിന്‍റെ പേര് ഗൗതം ദാസ് എന്നാണോ ദാമോദർ ദാസ് എന്നാണോ? അദ്ദേഹത്തിന്‍റെ പ്രവൃത്തികൾ ഗൗതം ദാസിന് സമാനമാണെന്നും ഖേര ട്വീറ്റ് ചെയ്തിരുന്നു.
