പത്തനംതിട്ട: വെള്ളിക്കുളത്ത് കഞ്ചാവുമായി രണ്ട് യുവാക്കൾ പിടിയിൽ. ആലപ്പുഴ ചെറിയനാട് സ്വദേശികളായ നിതിൻ, വിഷ്ണു എന്നിവരാണ് അറസ്റ്റിലായത്. ഇവരുടെ കാറിൽ നിന്ന് നാല് കിലോഗ്രാം കഞ്ചാവ് പൊലീസ് കണ്ടെടുത്തു.
പൊലീസ് പരിശോധനക്കിടെ പ്രതികൾ കാർ നിർത്താതെ പോവുകയും പൊലീസ് ജീപ്പിലും ഇരുചക്ര വാഹനത്തിലും ഇടിക്കുകയും ചെയ്തു. സംഭവ ശേഷം പ്രതികൾ കാറിൽ നിന്ന് ഇറങ്ങിയോടി. പൊലീസ് ഇവരെ പിന്തുടർന്ന് പിടികൂടുകയായിരുന്നു.
