ഒഹിയോ: യു.എസ്സിലെ ഓഹിയോയിലെ നിശാക്ലബ്ബിൽ കൂട്ട വെടിവയ്പ്പ്. ആക്രമണത്തിൽ രണ്ട് പേർ കൊല്ലപ്പെട്ടതായും 2 പേർക്ക് പരിക്കേറ്റതായും പ്രാദേശിക മാധ്യമങ്ങൾ റിപ്പോർട്ട് ചെയ്യുന്നു.
ഓഹിയോയിലെ കൊളംബസ് ഡൗണ്ടൗണിലെ അവലോൺ ഡാൻസ് ക്ലബ്ബിൽ വെള്ളിയാഴ്ച പുലർച്ചയോടെയാണ് സംഭവം. വെടിവയ്പ്പിൽ ഒരാൾ സംഭവസ്‌ഥലത്തുവച്ചു തന്നെ മരിച്ചു.മറ്റൊരാൾ ആശുപത്രിയിലെത്തിയതിന് ശേഷമാണ് മരണത്തിന് കീഴടങ്ങിയത്. ഗുരുതരമായി പരിക്കേറ്റ മറ്റു രണ്ടു പേർ ഓഹിയോയിലെ ഗ്രാൻ്റ് മെഡിക്കൽ സെൻ്ററിൽ ചികിത്സയിലാണ്. 20 നും 40 നും മദ്ധ്യേ പ്രായമുള്ളവരാണ് കൊല്ലപ്പെട്ടതെന്ന് അസിസ്റ്റൻ്റ് ചീഫ് ഓഫ് പോലീസ് ഗ്രെഗ് ബോഡ്‌കർ പറഞ്ഞു.
കഴിഞ്ഞ മേയിൽ ഓഹിയോയിലെ കൊളംബസ് ഡൗണ്ടൗണിൽ നടന്ന വെടിവയ്പ്പിൽ 3 പേർ കൊല്ലപ്പെട്ടിരുന്നു.
