തിരുവനന്തപുരം: നിരവധി വിവാദങ്ങൾക്കിടെ നിയമസഭാ സമ്മേളനത്തിന് ഇന്ന് തുടക്കമാകും. ഇന്ന് നിയമസഭയുടെ നടപടിക്രമങ്ങളിൽ അടിയന്തര പ്രമേയം അടക്കമുള്ളവ ഇല്ല. വയനാട് ദുരന്തത്തിൽ മരിച്ചവർക്ക് അന്തിമോപചാരമർപ്പിച്ച് സഭ ഇന്നത്തേക്ക് പിരിയും. തിങ്കളാഴ്ച മുതലാണ് സഭയിൽ രാഷ്ട്രീയ വിഷയങ്ങൾ ഉയർന്നു വരിക.
പ്രതിപക്ഷത്തിന്റെ കയ്യിൽ സർക്കാരിനെതിരെ വിഷയങ്ങൾ നിരവധിയാണ്. മലപ്പുറവുമായി ബന്ധപ്പെട്ട മുഖ്യമന്ത്രിയുടെ പരാമർശം മുതൽ പി.വി അൻവർ എംഎൽഎ ഉയർത്തിയ ആരോപണങ്ങൾ വരെ പ്രതിപക്ഷം നിയമസഭയിൽ ആയുധമാക്കും. ഇതിനെ എല്ലാം നേരിടാൻ വേണ്ടിയുള്ള തന്ത്രങ്ങൾ ഭരണപക്ഷവും മെനഞ്ഞിട്ടുണ്ട്.
