ജിദ്ദ: കേരള-സൗദി സെക്ടറിലെ യാത്രക്കാർക്ക് ആശ്വാസമായി കൊച്ചിയിൽ നിന്ന് ജിദ്ദയിലേക്ക് ആകാശ എയറിന്റെ നേരിട്ടുള്ള വിമാന സർവീസ് ആരംഭിച്ചു. കഴിഞ്ഞ ദിവസമാണ് പുതിയ സർവീസിന് തുടക്കമായത്. ആഴ്ചയിൽ നാല് സർവീസുകളാണ് ആകാശ എയർ ഈ റൂട്ടിൽ ഷെഡ്യൂൾ ചെയ്തിരിക്കുന്നത്.
കൊച്ചി-ജിദ്ദ സെക്ടറിൽ ഇന്നലെയായിരുന്നു ആകാശ എയറിന്റെ ആദ്യ സർവീസ്. ശനി, തിങ്കൾ ദിവസങ്ങളിൽ ഓരോ സർവീസും ഞായറാഴ്ചകളിൽ രണ്ട് സർവീസും വീതമാണ് നിലവിൽ ക്രമീകരിച്ചിരിക്കുന്നത്.
സമയക്രമം:
കൊച്ചിയിൽ നിന്ന് ജിദ്ദയിലേക്ക്:
ശനി, തിങ്കൾ: വൈകിട്ട് 6:10 ന്
ഞായർ: പുലർച്ചെ 3:00ന്, രാത്രി 8:30ന്
ജിദ്ദയിൽ നിന്ന് കൊച്ചിയിലേക്ക്:
ശനി, തിങ്കൾ: രാവിലെ 6:45 ന്
ഞായർ: രാവിലെ 7:45 ന്, രാവിലെ 10:10 ന്
ഈ സർവീസുകളിൽ 30 കിലോ ചെക്ക്-ഇൻ ലഗേജും 7 കിലോ ഹാൻഡ് ബാഗേജും അനുവദനീയമാണ്. റിയാദ്, കുവൈത്ത് എന്നിവിടങ്ങളിലേക്കും ഉടൻ തന്നെ ആകാശ എയർ സർവീസുകൾ ആരംഭിക്കും.
