വാഷിംഗ്ടണ്: ട്രംപിന്റെ സ്വയം വിരമിക്കല് പദ്ധതി അനുസരിച്ച് അമേരിക്കയില് നാളെ ഒറ്റദിവസം സര്ക്കാര് സര്വീസില് നിന്ന് രാജിവയ്ക്കുന്നത് ഒരുലക്ഷം പേര്.
രണ്ടാം ലോക മഹായുദ്ധത്തിന് ശേഷം അമേരിക്കയില് ആദ്യമായാണ് ഒറ്റദിവസം ഇത്രയും പേര് ഫെഡറല് സര്വീസില് നിന്ന് രാജിവയ്ക്കുന്നത്. പദ്ധതിപ്രകാരം ആകെ രാജിവയ്ക്കുന്നത് 2.75 ലക്ഷം പേരാണ്. ഇവരെ തുടക്കത്തില് 8 മാസത്തെ ലീവിലേക്കാണ് പറഞ്ഞുവിടുക. ഈ 8 മാസവും ശമ്പളം ലഭിക്കും. വിരമിക്കല് ആനുകൂല്യമായി മൊത്തം 14.8 ബില്യന് ഡോളറിന്റെ (1.30 ലക്ഷം കോടി രൂപ) ഭീമമായ ചെലവ് ട്രംപ് ഭരണകൂടം നേരിടും. എന്നാല്, ഇത്രയും പേര് രാജിവയ്ക്കുന്നതു വഴി പ്രതിവര്ഷം 28 ബില്യന് ഡോളര് (2.5 ലക്ഷം കോടി രൂപ) ഗവണ്മെന്റിന് ലാഭിക്കാനാകുമെന്നാണ് വൈറ്റ്ഹൗസിന്റെ വിലയിരുത്തല്.
‘സ്വയം വിരമിക്കല് പദ്ധതിക്ക്’ (വിആര്എസ്) സമാനമാണ് ട്രംപ് ഭരണകൂടം നിലവില് പ്രഖ്യാപിച്ചിരിക്കുന്ന ‘ഡിഫറഡ് റെസിഗ്നേഷന്’ ഓഫര്. ഇതു അംഗീകരിച്ചാണ് 2.75 ലക്ഷം പേര് പടിയിറങ്ങുന്നതും. അതേസമയം, പലരെയും നിര്ബന്ധിച്ച് പദ്ധതിയില് ചേര്ക്കുകയുമായിരുന്നു.
