വിദേശ നിക്ഷേപകർക്കും പ്രൊഫഷണലുകൾക്കും ഗോൾഡൻ വിസ ലഭ്യമാക്കാൻ അവസരവുമായി ഖത്തർ. താമസാനുമതി, ബിസിനസ് അവസരങ്ങൾ, അടിസ്ഥാന സൗകര്യങ്ങൾ എന്നിവ ഉപയോഗിക്കാനുള്ള അവസരമാണ് ഗോൾഡൻ വിസയിലൂടെ ഖത്തർ വാഗ്ദാനം ചെയ്യുന്നത്. ഖത്തറിൽ ഗോൾഡൻ വിസയ്ക്കുള്ള യോഗ്യത ഇപ്രകാരമാണ്.
അപേക്ഷകന് സാധുവായ ഒരു പാസ്പോർട്ട് ഉണ്ടായിരിക്കണം. വിസ അപേക്ഷകന് ക്രിമിനൽ പശ്ചാത്തലം ഉണ്ടായിരിക്കരുത്. നിക്ഷേപകന് കുറഞ്ഞത് 21 വയസെങ്കിലും പ്രായമുണ്ടായിരിക്കണം. കൂടാതെ നിക്ഷേപം സംബന്ധിച്ച വ്യക്തമായ തെളിവുകൾ ഹാജരാക്കണം.
