കൊച്ചി: എട്ടു മാസങ്ങൾക്കുശേഷം നടൻ മമ്മൂട്ടി കേരളത്തിൽ തിരിച്ചെത്തി. നെടുമ്പാശ്ശേരി വിമാനത്താവളത്തിൽ എത്തിയ മമ്മൂട്ടിയെ മന്ത്രി പി.രാജീവ്, അൻവർ സാദത്ത് എംഎൽഎ എന്നിവർ ചേർന്ന് സ്വീകരിച്ചു. തിരിച്ചെത്തിയതിൽ സന്തോഷമുണ്ടെന്നും എല്ലാവരുടെയും പ്രാർത്ഥനകൾക്കും സ്നേഹങ്ങൾക്കും നന്ദിയുണ്ടെന്നും മമ്മൂട്ടി പ്രതികരിച്ചു. യുകെയിലെ ഷൂട്ടിങ്ങിന് ശേഷം കഴിഞ്ഞ ആഴ്ചയാണ് മമ്മൂട്ടി ചെന്നൈയിൽ എത്തിയത്. അവിടെ നിന്നാണ് ഇന്ന് കൊച്ചിയിലെത്തിയത്.
‘എല്ലാവരെയും വീണ്ടും കാണാൻ കഴിഞ്ഞതിൽ വളരെയധികം സന്തോഷം. നിങ്ങളുടെ എല്ലാവരുടെയും സ്നേഹത്തിനും പ്രാർത്ഥനകൾക്കും നന്ദി.’ വീട്ടിലെത്തിയ ശേഷം മമ്മൂട്ടി മാധ്യമങ്ങളോട് പറഞ്ഞു.
