തിരുവനന്തപുരം: കോണ്ഗ്രസിനെതിരെ ഒളിയമ്പുമായി മുതിര്ന്ന നേതാവ് ശശി തരൂര്. വിയോജിപ്പുകള് തെരഞ്ഞെടുപ്പിന് മുന്പായിരിക്കണമെന്നും തെരഞ്ഞെടുപ്പ് കഴിഞ്ഞാല് രാജ്യനന്മക്കായി ഒന്നിച്ചുനില്ക്കണമെന്നും ശശി തരൂര് എക്സില് കുറിച്ചു. ട്രംപ്- മംദാനി കൂടിക്കാഴ്ചയെ പുകഴ്ത്തിയാണ് തരൂരിന്റെ പോസ്റ്റ്.
തന്റെ പരാമര്ശങ്ങളിലൂടെയും എഴുത്തുകളിലൂടെയും ഇതാദ്യമായല്ല തരൂര് കോണ്ഗ്രസിനെ വിമര്ശിക്കുന്നത്. മുമ്പും പല തവണ പരോക്ഷമായി അദ്ദേഹം പാര്ട്ടിയെ വെട്ടിലാക്കിയിട്ടുണ്ട്. ട്രംപ്-മംദാനി കൂടിക്കാഴ്ചയുടെ ചിത്രങ്ങള് പങ്കുവെച്ചുകൊണ്ടാണ് ഇത്തവണ തരൂര് കോണ്ഗ്രസിനെതിരെ രംഗത്തെത്തിയിരിക്കുന്നത്.
‘തെരഞ്ഞെടുപ്പിന് മുമ്പുള്ള വിയോജിപ്പുകള് സ്വാഭാവികമാണ്. എന്നാല്, തെരഞ്ഞെടുപ്പിന് ശേഷം ആ വിയോജിപ്പുകളെല്ലാം മറന്ന് രാജ്യനന്മയ്ക്കായി എല്ലാവരും ഒരുമിച്ച് നില്ക്കണം. അങ്ങനെയാണ് ജനാധിപത്യം നിലനില്ക്കുന്നത്’. തരൂര് എക്സില് കുറിച്ചു
