മസ്കത്ത്: ഔദ്യോഗിക സന്ദർശനത്തിനായി പ്രധാനമന്ത്രി നരേന്ദ്ര മോദി ഒമാനിലെത്തി. രണ്ട് ദിവസം നീണ്ടു നിൽക്കുന്ന സന്ദർശനത്തിൽ വിവിധ പരിപാടികൾ പ്രധാനമന്ത്രി സംബന്ധിക്കും. മസ്കത്തിലെ റോയൽ വിമാനത്താവളത്തിൽ ഇറങ്ങിയ പ്രധാനമന്ത്രിക്ക് ഔദ്യോഗിക വവേൽപ് നൽകി.
മൂന്ന് രാജ്യങ്ങളിലേക്കുള്ള പര്യടനത്തിന്റെ ഭാഗമായി ജോർദാനും എത്യോപ്യയും പ്രധാനമന്ത്രി സന്ദർശിച്ചിരുന്നു. എത്യോപ്യയിൽ നിന്നാണ് പ്രധാനമന്ത്രി ഒമാനിലെത്തിയത്. ഡിസംബർ 18 വരെയാണ് ഒമാനിലെ സന്ദർശനം.
സന്ദർശന വേളയിൽ ഒമാൻ സുൽത്താൻ ഹൈതം ബിൻ താരിഖുമായി കൂടിക്കാഴ്ച നടക്കും. നാളെ ഒമാനിലെ ഇന്ത്യൻ പ്രവാസികളുടെ സമ്മേളനത്തെ പ്രധാനമന്ത്രി അഭിസംബോധന ചെയ്യും. ഇന്ത്യയും ഒമാനും നയതന്ത്ര ബന്ധത്തിന്റെ 70ാം വാർഷികം ആഘോഷിക്കുന്ന വേളയിലാണ് പ്രധാമന്ത്രിയുടെ ഒമാൻ സന്ദർശനം.
