ആലപ്പുഴ:അമ്പലപ്പുഴയിൽ സ്വതന്ത്ര സ്ഥാനാർഥിയായി മത്സരിക്കുമെന്ന് പ്രഖ്യാപിച്ചതിന് പിന്നാലെ വോട്ട് അഭ്യർത്ഥനയുമായി ജി.സുധാകരൻ. ഫേസ്ബുക്ക് പോസ്റ്റിലൂടെയാണ് വോട്ട് അഭ്യർത്ഥന. ഒരു പാർട്ടിയുടെയും പിന്തുണയില്ല, ഒരു പാർട്ടിയിലും ചേർന്നിട്ടില്ല. ഇനിയും ജനങ്ങൾക്ക് വേണ്ടി നിലകൊള്ളും.ജനങ്ങളുടെ നിരന്തരമായ അഭ്യർത്ഥന മാനിച്ചാണ് മത്സരിക്കാൻ തീരുമാനിച്ചത് എന്നും ജി.സുധാകരൻ.
ഫേസ്ബുക്ക് പോസ്റ്റിൻ്റെ പൂർണരൂപം
ആസന്നമായ നിയമസഭാ തെരഞ്ഞെടുപ്പിൽ അമ്പലപ്പുഴ മണ്ഡലത്തിൽ സ്വതന്ത്രനായി മത്സരിക്കാൻ തീരുമാനിച്ചിരിക്കുകയാണ്. ഒരു രാഷ്ട്രീയപാർട്ടിയിലും ചേർന്നിട്ടില്ല. ഒരു പാർട്ടിയുടെയും പിന്തുണ അഭ്യർത്ഥിച്ചിട്ടില്ല. ജാതിമത വ്യത്യാസമില്ലാതെ കക്ഷി രാഷ്ട്രീയ ഭേദമന്യേ അമ്പലപ്പുഴ മണ്ഡലത്തിലെ എല്ലാ വോട്ടർമാരുടെയും വോട്ടും പിന്തുണയും അഭ്യർത്ഥിക്കുന്നു.
