സൗദി ജയിലിൽ കഴിയുന്ന കോഴിക്കാട് സ്വദേശി അബ്ദുൽ റഹീമിന് ഉടൻ നാട്ടിലേക്ക് മടങ്ങാം

റിയാദ്: സൗദി ജയിലിൽ കഴിയുന്ന കോഴിക്കാട് സ്വദേശി അബ്ദുൽ റഹീമിന് ഉടൻ നാട്ടിലേക്ക് മടങ്ങാനാകും. മോചന ഉത്തരവിൽ അധിക‍ൃതർ ഒപ്പ് വെച്ചതായാണ് വിവരം. എമി​ഗ്രേഷൻ നടപടികൾ പൂർത്തിയായാൽ റഹീമിന് ഉടൻ നാട്ടിലേക്ക് മടങ്ങാനാകും. ജയിലിൽ നിന്ന് നേരെ എയർപോർട്ടിലേക്ക് കൊണ്ടുവരുകയും അവിടെ നിന്ന് എമി​ഗ്രേഷൻ നടപടികൾ പൂർത്തിയാക്കുകയുമാണ് ഇനിയുള്ള നടപടിക്രമങ്ങൾ.

2006 ൽ സൗദിയിൽ വെച്ച് നടന്ന കൊലപാതകത്തിൽ റഹീം പ്രതിചേർക്കപ്പെടുകയും തുടർന്ന് വധശിക്ഷക്ക് വിധിക്കപ്പെടുകയുമായിരുന്നു. കേസിലെ ​ഗൂഢാലോചനയുമായി ബന്ധപ്പെട്ട് 20 വർഷത്തെ തടവുശിക്ഷ കാലാവധി അവസാനിച്ചതോടെയാണ് നാട്ടിലേക്ക് മടങ്ങാനുള്ള സാധ്യത തെളിഞ്ഞത്.