ഉറങ്ങിക്കിടന്ന സോഷ്യൽ മീഡിയ ഇൻഫ്ലുവൻസറും കാമുകനും വെടിയേറ്റു മരിച്ചു

പി.പി ചെറിയാൻ

കോസ്റ്റാറിക്ക: കോസ്റ്റാറിക്കയിലെ പ്രശസ്ത സോഷ്യൽ മീഡിയ ഇൻഫ്ലുവൻസറായ ഗബ്രിയേല ചാവരിയ (28), കാമുകൻ ജോർജ്ജ് ഐസക് (30) എന്നിവരെ വീട്ടിനുള്ളിൽ ഉറങ്ങിക്കിടക്കുമ്പോൾ അജ്ഞാതർ വെടിവെച്ചു കൊലപ്പെടുത്തി. ജൂലൈ 4-നായിരുന്നു സംഭവം.

അർധരാത്രിയോടെ വീട്ടിൽ അതിക്രമിച്ചു കയറിയ സംഘം ഇവർക്കുനേരെ വെടിയുതിർക്കുകയായിരുന്നു. പ്രതികാരം തീർക്കാനുള്ള ശ്രമമാണ് കൊലപാതകത്തിന് പിന്നിലെന്നാണ് പ്രാഥമിക നിഗമനം. ഇൻസ്റ്റാഗ്രാമിലും ടിക് ടോക്കിലുമായി ഒരു ലക്ഷത്തിലധികം ഫോളോവേഴ്‌സുള്ള ഗബ്രിയേലയ്ക്ക് 9 വയസ്സുള്ള ഒരു മകളുണ്ട്. പ്രതികൾക്കായി പോലീസ് അന്വേഷണം ഊർജിതമാക്കി.