പത്തനംതിട്ട: യൂട്യൂബര് രാജന് ജോസഫിന് തല്ലുകിട്ടിയെങ്കില് അത് അവരുടെ പ്രവര്ത്തിയുടെ ഫലമാണെന്ന് പത്തനംതിട്ട ജില്ലാ പഞ്ചായത്ത് അംഗം ശ്രീനാദേവി കുഞ്ഞമ്മ. ഇത്തരത്തില് വീഡിയോ ചെയ്യുന്നവര് അടൂരില് എത്തിയാല് രണ്ടടി കിട്ടിയെന്നിരിക്കും. രാജന് ജോസഫിനെ അടൂര് പൊലീസ് സ്റ്റേഷനില് വച്ചാണ് ആദ്യമായി താന് കണ്ടത്. രാജന് ജോസഫിനെ ജാമ്യത്തില് എടുക്കാന് വന്നത് സിപിഐഎം പ്രാദേശിക നേതൃത്വം ആണെന്നും ശ്രീനാദേവി കുഞ്ഞമ്മ ആരോപിച്ചു. സോഷ്യല് മീഡിയയിലൂടെ അധിക്ഷേപിച്ച ശ്രീനാദേവി കുഞ്ഞമ്മയുടെ പരാതിയിലായിരുന്നു രാജന് ജോസിനെ കഴിഞ്ഞ ദിവസം കസ്റ്റഡിയിലെടുത്തത്. സ്റ്റേഷന് പരിസരത്തുവെച്ച് ഒരു സംഘം ഇദ്ദേഹത്തെ മര്ദ്ദിക്കുകയുമുണ്ടായി.
’25ലധികം വീഡിയോകളാണ് ആണ് രാജന്, സിബി എന്നീ യൂട്യൂബര്മാര് എനിക്കെതിരെ സംപ്രേഷണം ചെയ്തിട്ടുള്ളത്. കേരളത്തില് 2016 മുതല് സോഷ്യല്മീഡിയയില് ആക്ടീവ് ആയ സമൂഹം വളര്ന്നുവരുന്നുണ്ട്. എന്നെ രാഷ്ട്രീയമായി വിമര്ശിക്കാന് ആര്ക്കും അധികാരം ഉണ്ട്. മറുപടി പറയാന് തയ്യാറും ആണ്. എന്നാല് വ്യക്തിപരമായ തേജോവധം ചെയ്യുന്ന രീതിയില് സ്ത്രീത്വത്തെ അപമാനിക്കുന്ന രീതിയില് 15 മിനിറ്റോളം ദൈര്ഘ്യമുള്ള വീഡിയോ ചെയ്യുകയാണ്. മനോവൈകല്യം ഉള്ള വ്യക്തികളാണ് ഇരുവരും’, എന്നും ശ്രീനാദേവി കുഞ്ഞമ്മ ആരോപിച്ചു.
Leave a Comment
Your comment will be visible after admin approval.