ഫോർട്ട് ബെൻഡ് കൗണ്ടിയിൽ അഞ്ച് വയസ്സുകാരനെ കാണാനില്ല: ആംബർ അലേർട്ട് പുറപ്പെടുവിച്ചു

പി പി ചെറിയാൻ

ടെക്സസ്: ഫോർട്ട് ബെൻഡ് കൗണ്ടിയിൽ നിന്നും ഞായറാഴ്ച്ച രാവിലെ മുതൽ കാണാതായ എഡ്വേർഡ് ഹാൾ എന്ന അഞ്ച് വയസ്സുകാരനായ കുട്ടിക്കായി തിരച്ചിൽ ശക്തമാക്കി. സംഭവത്തിൽ പോലീസും മറ്റ് ഏജൻസികളും ചേർന്ന് ആംബർ അലേർട്ട് പുറപ്പെടുവിച്ചിട്ടുണ്ട്.

കെയ്റ്റി മേഖലയിലെ ടാമറോൺ പാർക്ക് വേക്ക് സമീപമുള്ള റയാൻസ് റോക്ക് കോർട്ടിൽ നിന്നാണ് കുട്ടിയെ അവസാനമായി കണ്ടത്. കറുത്ത പാൻ്റ്സും ‘എൽമോ’ ചിത്രം പതിച്ച കറുത്ത ടി-ഷർട്ടും ധരിച്ച കുട്ടിയുടെ കാലിൽ ചെരിപ്പുകൾ ഉണ്ടായിരുന്നില്ല.

കുട്ടിയെ കുറിച്ച് എന്തെങ്കിലും വിവരങ്ങൾ ലഭിക്കുന്നവർ ഉടൻ തന്നെ ഫോർട്ട് ബെൻഡ് കൗണ്ടി ഷെരീഫ് ഓഫീസുമായി (281-341-4665) ബന്ധപ്പെടണമെന്ന് അധികൃതർ അഭ്യർത്ഥിച്ചു.