പി പി ചെറിയാൻ
ഡാലസ് : ഡ്രൈവ്-ബൈ വെടിവയ്പ്പിൽ പരിക്കേറ്റ രണ്ട് കൗമാരക്കാരെ വ്യാഴാഴ്ച ആശുപത്രിയിൽ പ്രവേശിപ്പിച്ചതായി ഡാലസ് പോലീസ് പറഞ്ഞു. വ്യാഴാഴ്ച വൈകീട്ട് 6.40-ഓടെയാണ് വെടിവെയ്പ്പുണ്ടായത്. ഡാലസിലെ റൂസ്‌വെൽറ്റ് ഹൈസ്‌കൂളിൽ നിന്ന് ഏകദേശം ഒരു മൈൽ അകലെയാണിത്.
ഫുട്ബോൾ പരിശീലനം പൂർത്തിയാക്കിയ ശേഷം വീട്ടിലേക്ക് പോകുംവഴിയായിരുന്നു ആക്രമണമെന്ന് കോച്ച് ടെറൻസ് ലോവറി പറഞ്ഞു. ആക്രമത്തിൽ ലോവറിക്ക് പരിക്കേറ്റില്ല. കൂടുതൽ വിവരങ്ങൾ പൊലീസ് പുറത്തുവിട്ടിട്ടില്ല.
