പി പി ചെറിയാൻ
ഷിക്കാഗോ : ഹൈദരാബാദിൽ നിന്നുള്ള ഇന്ത്യൻ വിദ്യാർഥി രൂപേഷ് ചന്ദ്ര ചിന്തകിണ്ടിയെ ഒരാഴ്ചയായി ഷിക്കാഗോയിൽ കാണാതായതായി റിപ്പോർട്ട്. വിസ്കോൻസെൻ കോൺകോർഡിയ യൂണിവേഴ്സിറ്റിയിൽ ബിരുദാനന്തര ബിരുദത്തിന് പഠിക്കുന്ന 25 കാരനായ രൂപേഷ് ചന്ദ്ര മേയ് 2 മുതൽ ആരുമായി ബന്ധപ്പെട്ടിട്ടില്ലെന്ന് കോൺസുലേറ്റ് അറിയിച്ചു. രൂപേഷ് ചിന്തകിണ്ടിയെ കണ്ടെത്തുകയാണെങ്കിൽ പൊലീസിൽ വിവരം നൽകണമെന്ന് ഷിക്കാഗോ പൊലീസ് അഭ്യർഥിച്ചു.
ഈ വർഷം മാർച്ചിൽ കാണാതായ ഒരു ഇന്ത്യൻ വിദ്യാർഥിയെ ഒഹായോയിൽ മരിച്ച നിലയിൽ ഏപ്രിലിൽ കണ്ടെത്തിയിരുന്നു. സമീപകാലത്ത് ഇന്ത്യൻ വിദ്യാർഥികൾക്കിടയിൽ ഇത്തരം ദുരന്തങ്ങൾ വർധിച്ചു വരികയാണ്. ഏപ്രിലിൽ, ഒഹായോയിലെ ക്ലീവ്‌ലാൻഡിൽ ഉമ സത്യ സായി ഗദ്ദെ എന്ന ഇന്ത്യൻ വിദ്യാർഥി മരിച്ചിരുന്നു.
