പി പി ചെറിയാൻ
കലിഫോർണിയ : കലിഫോർണിയ ഡെമോക്രാറ്റിക് സെനറ്റർ ഡിയാൻ ഫെയിൻസ്റ്റീൻ രാജിവയ്ക്കണമെന്ന് ഡെമോക്രാറ്റിക് പ്രതിനിധി റോ ഖന്ന ആവശ്യപ്പെട്ടു സ്വന്തം പാർട്ടിയിലെ അംഗത്തോട് കോൺഗ്രസിൽ നിന്നു രാജിവയ്ക്കണമെന്ന് ഒരു നിയമനിർമ്മാതാവ് ആവശ്യപ്പെടുന്ന അപൂർവ സന്ദർഭമാണിത്.
‘ഫെയിൻസ്റ്റീൻ രാജിവെക്കേണ്ട സമയമാണിത്. അവർക്ക് ജീവിതകാലം മുഴുവൻ പൊതുസേവനം ഉണ്ടായിരുന്നെങ്കിലും ഇനി അവരുടെ കടമകൾ നിറവേറ്റാൻ കഴിയില്ലെന്ന് വ്യക്തമാണ്. തുറന്നു പറയാത്തത് ജനങ്ങളുടെ തിരഞ്ഞെടുക്കപ്പെട്ട ജനപ്രതിനിധികൾ എന്ന നിലയിലുള്ള ഞങ്ങളുടെ വിശ്വാസ്യതയെ ദുർബലപ്പെടുത്തുന്നു’–ഖന്ന ബുധനാഴ്ച ട്വിറ്ററിൽ പറഞ്ഞു.
89 കാരിയായ ഫെയിൻസ്റ്റൈൻ മാർച്ച് ആദ്യം താൻ ആശുപത്രിയിൽ പ്രവേശിപ്പിക്കപ്പെട്ടുവെന്നും ഷിംഗിൾസിന് ചികിത്സയിലാണെന്നും അറിയിച്ചു. ചികിത്സ തുടരുന്നതിനാൽ വീട്ടിൽ സുഖം പ്രാപിച്ചുവരികയാണെന്ന് മാർച്ച് ഏഴിനു ഫെയിൻസ്റ്റൈൻ ട്വിറ്ററിൽ പറഞ്ഞു. എത്രയും വേഗം സെനറ്റിലേക്ക് മടങ്ങാൻ താൻ ആഗ്രഹിക്കുന്നുവെന്നും അവർ പറഞ്ഞിരുന്നു. ചേമ്പറിലേക്ക് മടങ്ങുന്നതിന് ഒരു പ്രത്യേക തീയതി നിശ്ചയിച്ചിട്ടില്ല.
ഫെബ്രുവരിയിൽ ഫെയിൻസ്റ്റീൻ വീണ്ടും തിരഞ്ഞെടുപ്പിൽ മത്സരിക്കില്ലെന്ന് പ്രഖ്യാപിച്ചു. എന്നാൽ, എപ്പോൾ സെനറ്റിലേക്ക് മടങ്ങുമെന്ന് അവർ പ്രഖ്യാപിച്ചിട്ടില്ല. 2024-ൽ ഫെയ്ൻസ്റ്റീന്റെ സീറ്റിനായി നിരവധി ഡെമോക്രാറ്റുകൾ ഇതിനകം തന്നെ പ്രചാരണം ആരംഭിച്ചിട്ടുണ്ട്.
