പി പി ചെറിയാൻ
മിഷിഗൺ : 2021-ൽ മിഷിഗൺ ഹൈസ്‌കൂളിൽ നാല് വിദ്യാർഥികളെ കൊലപ്പെടുത്തിയ കൗമാരക്കാരൻ ഈതൻ ക്രംബ്ലിയുടെ പിതാവ് ജെയിംസ് ക്രംബ്ലി, മനഃപൂർവമല്ലാത്ത നരഹത്യയ്ക്ക് കുറ്റക്കാരനാണെന്ന് കണ്ടെത്തി. ഈതന്റെ മാതാവും ഇതേ കേസിൽ കുറ്റക്കാരിയാണെന്ന് കണ്ടെത്തി ഒരു മാസത്തിന് ശേഷമാണ് പിതാവിന്റെ വിചാരണ നടന്നത്. മനഃപൂർവമല്ലാത്ത നരഹത്യയ്ക്ക് 15 വർഷം വരെ തടവ് ലഭിക്കാം
ജെയിംസ് ക്രംബ്ലിയുടെ ശിക്ഷ ഏപ്രിൽ 9-ന് രാവിലെ 9 മണിക്ക് വിധിക്കുമെന്ന് ജഡ്ജി കോടതിയിൽ പറഞ്ഞു. അദ്ദേഹത്തിൻ്റെ ഭാര്യ ജെന്നിഫർ ക്രംബ്ലിയുടെ ശിക്ഷയും അതേ സമയത്ത് വിധിക്കും.
