ദുബായ് ഗ്ലോബൽ വില്ലേജിന് 15 മുതൽ തുടക്കമാകും

​ദുബായുടെ ബഹുസാംസ്കാരിക ഫെസ്റ്റിവൽ പാർക്കായ ഗ്ലോബൽ വില്ലേജിനും ഈയാഴ്ച തുടക്കമാകും. ​ഗ്ലോബൽ വില്ലേജിന്റെ 30-ാം സീസണാണ് ഇത്തവണ അരങ്ങേറാനൊരുങ്ങുന്നത്. ഒക്ടോബർ 15-ന് വൈകുന്നേരം ആറ് മണിക്കാണ് ​ഗ്ലോബൽ വില്ലേജ് വീണ്ടും തുറക്കുക. ​ഗ്ലോബൽ വില്ലേജിന്റെ ഇത്തവണത്തെ ആപ്തവാക്യം ‘എ മോർ വണ്ടർഫുൾ വേൾഡ്’ എന്നതാണ്. സാംസ്കാരിക വിനിമയം, ആഗോള വിനോദം, കുടുംബ വിനോദം എന്നിവയുടെ മൂന്ന് പതിറ്റാണ്ടുകളാണ് ഇത്തവണ ആഘോഷിക്കുന്നത്. ആദ്യമായി തുറന്നതു മുതലുള്ള പാർക്കിൻ്റെ വളർച്ചയെ പ്രതിഫലിപ്പിക്കുകയെന്നതും ഇത്തവണത്തെ ആപ്തവാക്യത്തിലൂടെ ലക്ഷ്യമിടുന്നു