കുവൈത്ത് സിറ്റി: പ്രവാസികളുടെ വാടക വിവരങ്ങൾ പുതുക്കുന്നതിനുള്ള വിശദ മാർഗനിർദേശങ്ങൾ കുവൈത്ത് പബ്ലിക് അതോറിറ്റി ഫോർ സിവിൽ ഇൻഫർമേഷൻ പുറത്തിറക്കി. രേഖകളുടെ കൃത്യത മെച്ചപ്പെടുത്തുന്നതിനും ചട്ടങ്ങൾ പാലിക്കുന്നുണ്ടെന്ന് ഉറപ്പാക്കുന്നതിനുമുള്ള ശ്രമങ്ങളുടെ ഭാഗമായാണ് നടപടി.
റിയൽ എസ്റ്റേറ്റ് മേഖലയെ നിയന്ത്രിക്കുന്നതിനും സ്വദേശികൾക്കും പ്രവാസികൾക്കും ഭരണപരമായ പ്രക്രിയകൾ ലളിതമാക്കുന്നതിനുമുള്ള നടപടികളുടെ ഭാഗമായാണ് പുതിയ നിയമങ്ങൾ പുറത്തിറക്കിയത്. താമസ വിലാസം, സ്വത്ത് ഉടമസ്ഥത, മോർട്ട്ഗേജിലുള്ള വീടുകൾ തുടങ്ങിയ പുതുക്കലിനാണ് ചട്ടങ്ങൾ ബാധകമാവുക.
