മണ്ഡലകാലം തുടങ്ങി ആദ്യ പതിനഞ്ച് ദിവസം പിന്നിടുമ്പോൾ ദേവസ്വം ബോർഡിന് റെക്കോർഡ് വരുമാനം. 92 കോടി രൂപയാണ് ഇതുവരെ ലഭിച്ചത്.അരവണ വിൽപ്പനയിൽ നിന്നാണ് കൂടുതൽ വരുമാനം. അതേസമയം നാളെ മുതൽ കേരള സദ്യ നൽകുന്ന കാര്യത്തിൽ അന്തിമ തീരുമാനം ആയില്ല.
മണ്ഡല മകരവിളക്ക് സീസൺ തുടങ്ങി ആദ്യ 15 ദിവസം പിന്നിടുമ്പോൾ 13 ലക്ഷത്തിലധികം ഭക്തരാണ് ദർശനം നടത്തിയത്. ദിനം പ്രതി ശരാശരി ഒരു ലക്ഷത്തിന് അടുത്ത് ഭക്തർ സന്നിധാനത്ത് എത്തുന്നുവെന്നാണ് കണക്ക്. എങ്കിലും പരാതികൾ ഇല്ലാതെ ദർശനം ഉറപ്പാക്കാൻ സാധിക്കുന്നുണ്ട്.
