എറണാകുളം: ശബരിമല സ്വര്ണക്കൊള്ള കേസില് നടന് ജയറാമിന് ഇഡി നോട്ടീസ്. അടുത്ത ചൊവ്വാഴ്ച ഹാജരാകാന് ആവശ്യപ്പെട്ടാണ് നോട്ടീസ് നല്കിയത്. കേസില് ജയറാമിനെ എസ്ഐടി നേരത്തെ ചോദ്യം ചെയ്തിരുന്നു.
കേസില്, നേരത്തെ ജാമ്യം ലഭിച്ച മുരാരി ബാബുവിനെയടക്കം ഇഡി ചോദ്യം ചെയ്തിരുന്നു. ഇതിന് പിന്നാലെയാണ് അടുത്ത ചൊവ്വാഴ്ച ഹാജരാകണമെന്ന് ആവശ്യപ്പെട്ട് ജയറാമിന് ഇഡി നോട്ടീസ് അയച്ചിരിക്കുന്നത്.
ശബരിമല സ്വര്ണക്കൊള്ളയില് മുഖ്യപ്രതിയായ ഉണ്ണികൃഷ്ണന് പോറ്റിയുമായി പരിചയമുണ്ടെന്ന് ജയറാം അന്വേഷണ സംഘത്തിന് നേരത്തെ മൊഴി നല്കിയിരുന്നു. തട്ടിപ്പില് പങ്കില്ലെന്നും പോറ്റിയുമായി ശബരിമലയില് വെച്ചുള്ള ബന്ധമാണെന്നും ജയറാം വ്യക്തമാക്കിയിരുന്നു. പാളികള് പൂജിച്ച മൂന്ന് ചടങ്ങുകളിലും പങ്കെടുത്തിട്ടുണ്ടെന്നും പോറ്റി പലതവണ തന്റെ വീട്ടില് വന്നിട്ടുണ്ടെന്നും ജയറാം മൊഴി നല്കിയിട്ടുണ്ട്.
