ന്യുഡൽഹി: പ്രചരണത്തിനുള്ള ദിവസങ്ങള് പരിമിതപ്പെടുത്തി തെരഞ്ഞെടുപ്പ് തിയതി പ്രഖ്യാപിച്ച തെരഞ്ഞെടുപ്പ് കമ്മീഷന്റെ നടപടിക്കെതിരെ വിമര്ശനവുമായി എഐസിസി ജനറല് സെക്രട്ടറി കെ.സി വേണുഗോപാല് എംപി.
ദുഃഖവെള്ളി, വിഷു, ഈസ്റ്റര് ഇവയെല്ലാം ഒരുമിച്ച് തെരഞ്ഞെടുപ്പിന് മുന്പായി വരുന്നു. അതിനാല് തന്നെ സ്ഥാനാര്ത്ഥികള്ക്ക് പ്രചരണം നടത്താന് ലഭിക്കുന്നത് വെറും പത്ത് ദിവസം മാത്രമാണ്. എന്നാല്, വോട്ടെണ്ണല് മെയ് നാലാം തീയതിയാണ്. കോണ്ഗ്രസ് പ്രധാനമായും മത്സരിക്കുന്ന കേരളം, അസം, പുതുച്ചേരി സംസ്ഥാനങ്ങളിലാണ് ആദ്യഘട്ട തിരഞ്ഞെടുപ്പ്. ഇത്രയും നേരത്തെ തിരഞ്ഞെടുപ്പ് തീയതി പ്രഖ്യാപിച്ചത് സ്ഥാനാര്ത്ഥികളുടെ തെരഞ്ഞെടുപ്പ് സമയം വെട്ടി കുറയ്ക്കാന് വേണ്ടിയാണ്. അതുപോലെ കോണ്ഗ്രസിന്റെ പ്രചാരകരായ നേതാക്കന്മാര്ക്ക് പരിമിതി ഏര്പ്പെടുത്താനും വേണ്ടിയാണെന്നും കെസി വേണുഗോപാല് പറഞ്ഞു.
