കോണ്ഗ്രസിന്റെ രണ്ടാംഘട്ട സ്ഥാനാര്ഥി പട്ടികയില് തന്റെ പേരില്ലാത്തതില് വൈകാരിത പ്രതികരണവുമായി എല്ദോസ് കുന്നപ്പള്ളി. താന് അവസാന നിമിഷം വരെ പ്രതീക്ഷിച്ചിരുന്നുവെന്നും ആദ്യമേ തന്നോട് ഇക്കാര്യം പറഞ്ഞിരുന്നെങ്കില് മാറി നില്ക്കാന് താന് സന്നദ്ധനായിരുന്നുവെന്നും എല്ദോസ് കുന്നപ്പള്ളി പറഞ്ഞു. എംഎല്എമാര്ക്കെല്ലാം സീറ്റുണ്ടെന്ന് തനിക്ക് വാക്ക് ലഭിച്ചതാണ്. അതിന് അനുസൃതമായ പ്രവര്ത്തനങ്ങള് താന് ആരംഭിക്കുകയും ചെയ്തിരുന്നു. പ്രവര്ത്തകരുടെ ഉള്പ്പെടെ വികാരം തനിക്ക് അനുകൂലമായിരുന്നിട്ടും അതിനെ പാര്ട്ടി മാനിക്കാത്തതില് നിരാശയുണ്ടെന്നും അദ്ദേഹം പറഞ്ഞു. എന്നാല് മറ്റ് പാര്ട്ടിക്കാര് സമീപിച്ചെങ്കില്പ്പോലും അത്തരം ഒരു തീരുമാനത്തിലേക്കും താന് കടക്കില്ലെന്നും എല്ദോസ് മാധ്യമങ്ങളോട് പറഞ്ഞു
സീറ്റില്ല, വൈകാരിത പ്രതികരണവുമായി എല്ദോസ് കുന്നപ്പള്ളി
RELATED ARTICLES
