കൊച്ചി: പ്രതിപക്ഷ നേതാവ് വി.ഡി സതീശന്റെ നാമനിര്ദേശ പത്രിക പരിഗണിക്കുന്നത് മാറ്റിവെച്ചു. യഥാര്ഥ വരുമാനം മറച്ചുവെച്ചുവെന്ന പരാതിയെ തുടര്ന്നാണ് പത്രിക മാറ്റിവെച്ചത്. സതീശന് വരണാധികാരിക്ക് വിശദീകരണം നല്കി.
പറവൂരിലെ സ്ഥാനാര്ഥിയാണ് വി.ഡി സതീശൻ. രണ്ട് സെറ്റ് നാമനിര്ദേശ പത്രികയാണ് സതീശൻ നൽകിയത്. പ്ലാച്ചിമട സമര സമിതിയാണ് സതീശന് കെട്ടിവെയ്ക്കാനുള്ള പണം നൽകിയത്.
ആസ്തി വിവരങ്ങള് മറച്ചുവെച്ചെന്ന യുഡിഎഫിന്റെ പരാതിയെ തുടര്ന്ന് ബിജെപി സംസ്ഥാന അധ്യക്ഷന് രാജീവ് ചന്ദ്രശേഖറിന്റെ നേമത്തെ നാമനിര്ദേശ പത്രിക പരിഗണിക്കുന്നത് മാറ്റിവെച്ചിരുന്നു. അവസാനം പരിഗണിക്കാമെന്നാണ് റിട്ടേണിങ് ഓഫീസര് അറിയിച്ചിരിക്കുന്നത്. പത്രികക്കൊപ്പം നല്കിയ സത്യവാങ്മൂലത്തില് രാജീവ് ചന്ദ്രശേഖര് ആസ്തി വിവരങ്ങള് മറച്ചുവെച്ചെന്നാണ് പരാതി. തുടര്ന്ന് പത്രിക തെരഞ്ഞെടുപ്പ് കമ്മീഷൻ സ്വീകരിച്ചു.
