ഡൽഹി വിമാനത്താവളത്തിൽ തുടർച്ചയായ രണ്ടാം ദിവസവും വ്യോമ ഗതാഗതത്തിന് തടസ്സം

ന്യൂഡൽഹി: ഇന്ത്യയും പാകിസ്താനും തമ്മിലുള്ള സംഘർഷം രൂക്ഷമായതിനെ തുടർന്ന് ഡൽഹി വിമാനത്താവളത്തിൽ തുടർച്ചയായ രണ്ടാം ദിവസവും വ്യോമ ഗതാഗതത്തിന് തടസ്സം നേരിട്ടു. വ്യോമാതിർത്തിയിൽ നിയന്ത്രണങ്ങൾ തുടരുന്ന സാഹചര്യത്തിൽ വിമാന സർവീസുകൾ റദ്ദാക്കുകയോ കാലതാമസം വരുകയോ ചെയ്യുന്നുണ്ട്. കഴിഞ്ഞ രണ്ട് ദിവസത്തിനുള്ളിൽ ഡൽഹി അന്താരാഷ്ട്ര വിമാനത്താവളത്തിൽ 228 വിമാനങ്ങൾ റദ്ദാക്കിയെന്നാണ് ഹിന്ദുസ്ഥാൻ ടൈംസ് റിപ്പോർട്ട് ചെയ്യുന്നത്. വിമാനത്താവള അധികൃതരുടെ കണക്കുകൾ ഉദ്ധരിച്ചാണ് റിപ്പോർട്ട്.