കോഴിക്കോട്: താമരശ്ശേരി അമ്പായത്തോടെയില് അറവ് മാലിന്യ സംസ്കരണ കേന്ദ്രം അടച്ചുപൂട്ടണമെന്ന ആവശ്യവുമായി നടത്തിയ പ്രതിഷേധ മാര്ച്ചില് സംഘര്ഷം. പ്രതിഷേധം മറികടന്നു പോകാന് ശ്രമിച്ച കമ്പനി വാഹനത്തിന് നേരെ നാട്ടുകാര് കല്ലെറിഞ്ഞു. അമ്പായത്തോടെ ഫ്രഷ് കട്ട് അറവ് മാലിന്യ സംസ്കരണ കേന്ദ്രത്തിലേക്കാണ് പ്രതിഷേധ പ്രകടനം നടന്നത്.
പ്രതിഷേധക്കാരുടെ കല്ലേറില് താമരശ്ശേപി സിഐ സായൂജ് അടക്കമുള്ളവര്ക്ക് പരിക്കേറ്റു. പരിക്കേറ്റവരെ താമരശ്ശേരി താലൂക്ക് ആശുപത്രിയിലേക്ക് മാറ്റി.
പ്രതിഷേധക്കാരെ പിരിച്ചുവിടാന് പോലീസ് നിരവധി തവണ ടിയര്ഗ്യാസ് പ്രയോഗിച്ചു. എന്നിട്ടും പിരിഞ്ഞുപോകാതിരുന്ന പ്രതിഷേധക്കാര്ക്ക് നേരെ ലാത്തിച്ചാര്ജ് നടത്തി. പ്രകോപിതരായ പ്രതിഷേധക്കാര് ഫാക്ടറിക്ക് തീയിട്ടു.
കോഴിക്കോട് റൂറൽ എസ്പി ഉൾപ്പടെയുള്ളവർ സ്ഥലത്തെത്തി. ഫാക്ടറിയില് നിന്നും പുറത്തു വരുന്ന ദുര്ഗന്ധത്തിന് പരിഹാരം ഇല്ലാതായതോടെയാണ് നാട്ടുകാര് പ്രതിഷേധവുമായി രംഗത്തിറങ്ങിയത്. ഫാക്ടറി പൂര്ണമായി അടച്ചുപൂട്ടണം എന്നാണ് നാട്ടുകാരുടെആവശ്യം.
