പ്രവാസികള്ക്ക് ആശ്വാസമായി സൗദി അറേബ്യയിലെ എല്ലായിടങ്ങളിലും കെട്ടിട വാടക കുറഞ്ഞേക്കും. അഞ്ച് വര്ഷത്തേക്ക് വാടക വര്ദ്ധിപ്പിക്കുന്നത് തടഞ്ഞുകൊണ്ടുളള റിയാദ് മാതൃക രാജ്യത്തുടനീളം നടപ്പിലാക്കാനുള്ള ശ്രമങ്ങള്ക്ക് റിയല് എസ്റ്റേറ്റ് ജനറല് അതോറിറ്റി തുടക്കം കുറിച്ചു. ഇതോടെ വര്ഷം തോറുമുള്ള വാടക വര്ദ്ധന താമസക്കാര്ക്ക് നല്കേണ്ടി വരില്ല.
സൗദിയിലെ പ്രവാസികള്ക്ക് ശമ്പളത്തിന്റെ നല്ലൊരു ശതമാനം തുക വാടകക്കായി മാറ്റി വക്കേണ്ടി വരുന്ന അവസ്ഥക്ക് വൈകാതെ മാറ്റം വരുമെന്നാണ് പ്രതീക്ഷ. അഞ്ച് വര്ഷത്തേക്ക് വാടക വര്ദ്ധിപ്പിക്കാന് പാടില്ലെന്ന നിയമം സൗദി തലസ്ഥാനമായ റിയാദില് ഇതിനകം നിലവില് വന്നുകവിഞ്ഞു. ഇതിന് പിന്നാലൊയണ് ഇത് രാജ്യവ്യാപകമായി നടപ്പിലാക്കാനുളള നടപടികള്ക്ക് തുടക്കം കുറിച്ചിരിക്കുന്നത്. ഇക്കാര്യത്തില് വൈകാതെ തീരുമാനമുണ്ടാകുമെന്നാണ് റിയല് എസ്റ്റേറ്റ് ജനറല് അതോറിറ്റി വ്യക്തമാക്കുന്നത്. വിവിധ നഗരങ്ങളിലെ വില നിലവാരം നിരീക്ഷിച്ചാകും അന്തിമ തീരുമാനം കൊക്കൊള്ളുക.
