യുഎഇ: രാജ്യത്ത് ശക്തമായ മഴ തുടരുന്നു. കാലാവസ്ഥ നിരീക്ഷണ കേന്ദ്രമായ നാഷണൽ സെന്റർ ഫോർ മെറ്റിരിയോളജി ഇന്നും മഴയ്ക്ക് സാധ്യതയുള്ളതായി അറിയിച്ചു. യുഎഇയുടെ വിവിധ ഭാഗങ്ങളിൽ ഇന്നലെ ഇടിമിന്നലോട് കൂടിയ ശക്തമായ മഴയാണ് ലഭിച്ചത്. കൂടാതെ താഴ്ന്ന പ്രദേശങ്ങളിൽ വെള്ളം കയറിയ നിലയിലാണ്.
കൂടാതെ യുഎഇയിൽ വരും ദിവസങ്ങളിലും കാലാവസ്ഥാ മാറ്റങ്ങൾ തുടരുമെന്നും ഇടിമിന്നലോട് കൂടിയ മഴയ്ക്ക് സാധ്യതയുള്ളതായും കാലാവസ്ഥ കേന്ദ്രം അറിയിച്ചു ദുബായ്, അബുദാബി, ഷാർജ തുടങ്ങിയ എമിറേറ്റുകളിൽ ഞായറാഴ്ച വരെ മഴയ്ക്ക് സാധ്യതയുണ്ട്. ഇന്നലെ അബുദാബിയിലാണ് ഏറ്റവും കൂടുതൽ മഴ രേഖപ്പെടുത്തിയത്.
