ഹൂസ്റ്റൺ ശ്രീ ഗുരുവായൂരപ്പൻ ക്ഷേത്രത്തിൽ വി.വി. രാജേഷിനും പി. ശ്രീകുമാറിനും ഊഷ്മള സ്വീകരണം

ശങ്കരൻകുട്ടി, ഹൂസ്‌റ്റൻ

ഹൂസ്റ്റൺ: 2026 ആഗസ്റ്റ് നാലാം തീയതി വൈകുന്നേരം 7.30 നു അമേരിക്കൻ സന്ദർശനത്തിനിടെ തിരുവനന്തപുരം മേയർ ശ്രീ. വി.വി. രാജേഷും കേരള ഗവർണറുടെ സെക്രട്ടറിയും ജന്മഭൂമി ദിനപത്രത്തിന്റെ ചീഫ് എഡിറ്ററുമായ ശ്രീ.പി.ശ്രീകുമാറും ഹൂസ്റ്റൺ ശ്രീ ഗുരുവായൂരപ്പൻ ക്ഷേത്രം സന്ദർശിച്ചു.

ക്ഷേത്രം പ്രസിഡന്റ് ഡോ. രാംദാസിന്റെ നേതൃത്വത്തിൽ ക്ഷേത്രഭാരവാഹികളും നൂറുകണക്കിന് ഭക്തജനങ്ങളും ചേർന്ന് ഇരുവർക്കും ഹൃദ്യവും ഊഷ്മളവുമായ സ്വീകരണം നൽകി. , തദവസരത്തിൽ ശ്രീ ഹരി ശിവരാമൻ മുഖ്യ അതിഥികളെ സദസ്സിനു പരിചയപ്പെടുത്തി പുഷ്പഹാരവും പൊന്നാടയും അണിയിച്ചാണ് വിശിഷ്ടാതിഥികളെ ആദരിച്ചത്.
സന്ദർശനവേളയിൽ ക്ഷേത്രത്തിന്റെ ആത്മീയ-സാംസ്കാരിക പ്രവർത്തനങ്ങളെക്കുറിച്ച് ക്ഷേത്രഭാരവാഹികൾ വിശദീകരിച്ചു. പ്രവാസി മലയാളികൾ കേരളത്തിന്റെ സംസ്കാരവും പാരമ്പര്യവും വിദേശത്ത് സംരക്ഷിക്കുകയും പ്രചരിപ്പിക്കുകയും ചെയ്യുന്ന പ്രവർത്തനങ്ങളെ അതിഥികൾ അഭിനന്ദിച്ചു.

ക്ഷേത്രദർശനത്തിനും സ്വീകരണച്ചടങ്ങിനും ശേഷം ക്ഷേത്രഭാരവാഹികളുമായും ഭക്തജനങ്ങളുമായും ഇരുവരും സൗഹൃദസംഭാഷണം നടത്തുകയും ക്ഷേത്രത്തിന്റെ വിവിധ പ്രവർത്തനങ്ങൾക്ക് ആശംസകൾ നേർക്കുകയും ചെയ്തുമേയർ വി.വി.രാജേഷ് സദസ്യരുടെ ചോദ്യങ്ങൾക്കുo തിരുവനന്തപുരത്തെ വികസനപ്രവർത്തങ്ങളെക്കുറിച്ചും വിശദമായി സംസാരിക്കുകയുണ്ടായി. വൈസ് പ്രസിഡന്റ് അജിത് നായർ നന്ദി രേഖപ്പെടുത്തിയതോടെ ഈ സന്ദര്ശനവേള സമാപിച്ചു..