ലൂസി ദാസ് : വിടവാങ്ങിയത് ഫിലഡൽഫിയയിലെ ആദ്യകാല മലയാള നേതൃവനിത

ജോർജ് നടവയൽ

ഫിലഡൽഫിയ: ലൂസി ദാസ് (91) നിര്യാതയായി. പിൻ തലമുറകൾക്ക് വഴികാട്ടിയായ അമേരിക്കൻ മലയാളി; ആദ്യകാല സാമൂഹിക പ്രവർത്തക , നഴ്‌സ് ലീഡർ, ഈശ്വര ഭക്ത, കലാകാരി, എന്നീ നിലകളിലെല്ലാം ഫിലഡൽഫിയാ മലയാളി ചരിത്രപുസ്തകത്തിൽ ഇടമുള്ള ലൂസി ദാസ്സിൻ്റെ . നിര്യാണത്തിൽ സാംസ്കാരിക പ്രവർത്തകർ അനുശോചിച്ചു.

സംസ്കാര ശുശ്രൂഷകൾ : Public Viewing : 27TH OF JULY, 2026; 9:30 AM, 11:30 AM Holy Mass,( at Assumption BVM 1900 Meadowbrook Rd, Feasterville-Trevose); Internment at Holy Sepulchre Cemetery. 3301W Cheltenham Ave, Philadelphia.)

ചേർത്തല ജന്മ ദേശം, ലുധിയാന നേഴ്സിങ് സ്കൂളിൽ വിദ്യാഭ്യാസവും ദല്ലി ഏ. ഐ. ഐ. എം എസ്സിൽ ആദ്യ നേഴ്സിങ്ങ് സേവന ദൗത്യവും നിർവഹിച്ചു. ലൂസി ദാസ് ഫോറിൻ എക്സ്ചേഞ്ച് നഴ്‌സായി 1970-ൽ അമേരിക്കയിൽ വന്നു. ഫിലഡൽഫിയയിലെ ഐൻസ്റ്റീൻ ഹോസ്പിറ്റലിലും ടെമ്പിൾ യൂണിവേഴ്സിറ്റി ഹോസ്പിറ്റലിലും രജിസ്റ്റേഡ് നേഴ്സ്സായി സേവനം അനുഷ്ഠിച്ചു. മലയാളി അസ്സോസ്സിയേഷൻ ഓഫ് ഗ്രേറ്റർ ഫിലഡൽഫിയയിലെ ആദ്യഅംഗങ്ങളിൽ നിസ്വാർത്ഥ സാമൂഹിക പ്രവർത്തനം തുടർന്നു.

IACA (ഇന്ത്യൻ അമേരിക്കൻ കാത്തലിക് അസോസിയേഷൻ) സ്ഥാപക അംഗ മായിരുന്നു. ഇന്ത്യൻ അമേരിക്കൻ ലാറ്റിൻ കാത്തലിക് അസോസിയേഷന്റെ യും തുടക്കക്കാരിൽ ലൂസി ദാസും സജീവമായിരുന്നു. നാടകങ്ങളിലും ഗായകസംഘത്തിലും നിറഞ്ഞു നിന്ന കലാകാരിയായിരുന്നു.

അഭിഭാഷകനായിരുന്ന ചേർത്തല അരയച്ചേരിയിൽ റാഫേൽ പിതാവ്. പരേതനായ പ്രമുഖ സാമൂഹിക പ്രവർത്തകൻ കല്ലുപുരയ്ക്കൽ കിച്ചണർ ദാസ് ഭർത്താവ്.

ലിസ്, ജാനിസ്, , ക്രിസ്റ്റീന, നെവിൻ, നെഡ് എന്നിവർ മക്കൾ. ജോൺ ഓസ്റ്റിൻ, പീറ്റർ ഡാമിയൻ, പയസ് ജോൺ, ക്രിസ്റ്റി, നിമ്മി എന്നിവർ മരുമക്കൾ. ദീപ, ആനന്ദ്, സപ്ന, ജെനോവ, ജോഷ്വ, മാക്സിമസ്, സച്ചിൻ, സൂരജ്, കേറ്റ്ലിൻ എന്നിവർ കൊച്ചുമക്കൾ. ജിയ, സ്നേഹ, ജൂലിയസ്, ഡയാന, നോവ എന്നിവർ മൂന്നാം തലമുറക്കൊച്ചുമക്കൾ.

അചഞ്ചലമായ ധൈര്യവും, അക്ഷീണമായ സമർപ്പണവും, അഗാധമായ വിശ്വാസവും വഴി, അമേരിക്കൻ മലയാളികളുടെ തലമുറകൾക്ക് വഴിയൊരുക്കാൻ സഹായിച്ച സ്ത്രീ മഹത്വം എന്ന നിലയിൽ, ലൂസി ദാസ് ഓർമ്മിക്കപ്പെടുമെന്ന് അനുശോചന സന്ദേശത്തിൽ വിവിധ സാമൂഹിക സംഘടനാ ഭാരവാഹികൾ പറഞ്ഞു.

അനുശോചന സന്ദേശങ്ങളിൽ സ്നേഹിതർ: ”ആദ്യകാല അമേരിക്കൻ മലയാളി പയനിയർ നഴ്‌സുമാരിൽ ഒരാളായ ലൂസി, ആരോഗ്യ സംരക്ഷണത്തിന് അസാധാരണമായ കഴിവ് മാത്രമല്ല, അവർ പങ്കെടുത്ത ഓരോ ശുശ്രൂഷയിലും പകരം വയ്ക്കാനാവാത്ത ഊഷ്മളതയും നിസ്വാർത്ഥതയും കൊണ്ടുവന്നു. വളർന്നുവരുന്ന അമേരിക്കൻ മലയാള തലമുറകളെ പോഷിപ്പിച്ച അക്ഷീണ നേതാവായിരുന്നു അവർ, ദീനർക്ക് കാരുണ്യകരമായ ദാനങ്ങളും, കഷ്ടപ്പെടുന്നവർക്ക് സഹായഹസ്തവും, നിരാശരായവർക്ക് അചഞ്ചലമായ പ്രാർത്ഥനയും നൽകി.

ലൂസി ദാസിന്റെ സമർപ്പിത സാമൂഹിക പ്രതിബദ്ധത അവരുടെ പ്രൊഫഷണൽ ജീവിതത്തിനപ്പുറത്തേക്ക് വ്യാപിച്ചു. ആഴത്തിലുള്ള ആത്മീയ നേതൃത്വത്തോടൊപ്പം, ലൂസി ഊർജ്ജസ്വലമായ ഒരു കുടുംബത്തെ വളർത്തി, കലാപരമായ കഴിവുകളിലൂടെയും സാംസ്കാരിക പൈതൃകത്തിലൂടെയും സമൂഹത്തെ ഉയർത്തുന്നതിനായി അവരെ തയ്യാറാക്കുകയും പ്രചോദിപ്പിക്കുകയും ചെയ്തു. നൃത്തം, സംഗീതം, കല, നാടകം, സേവനം എന്നിവയിലൂടെ, അവരുടെ കുടുംബം കൃപയുടെ ഒരു ദീപസ്തംഭമായി മാറി – നമ്മുടെ സമൂഹത്തിന്റെ ആത്മാവിനെ സമ്പന്നമാക്കാനുള്ള ലൂസിയുടെ അഭിനിവേശത്തിന്റെ നേരിട്ടുള്ള പ്രതിഫലനമായിരുന്നു അത്.

ധീരയായ ഒരു നേതാവും വിശ്വസ്ത പൗരയും ദൈവത്തിന്റെ സമർപ്പിത ദാസിയുമായിരുന്നു ലൂസി. ലൂസി ദാസ്സിൻ്റെ ഭൗമിക യാത്ര അവസാനിച്ചിട്ടും, അവൾ തന്റെ കൈകൾ, ഹൃദയം, വിശ്വാസം എന്നിവയാൽ നിർമ്മിച്ച അടിത്തറ ഇളകാതെ തുടരുന്നു”.

(വാർത്ത അയച്ചത്: ജോർജ് നടവയൽ)