അരിയിൽ ഷുക്കൂര്‍ വധക്കേസിൽ വിധി ഇന്ന്

Global Indian Writer · November 19, 2026 · 1 min read · 0 Comments · 0 Shares

അരിയിൽ ഷുക്കൂര്‍ വധക്കേസിൽ കൊച്ചിയിലെ പ്രത്യേക സി.ബി.ഐ കോടതി ഇന്ന് വിധി പറയും. 17 മാസത്തെ വിചാരണയ്ക്ക് ശേഷമാണ് കേസിൽ വിധി വരുന്നത്. പി.ജയരാജൻ, ടി.വി രാജേഷ് ഉൾപ്പെടെ 33 പ്രതികളാണ് കേസിലുള്ളത്. ഇതിൽ രണ്ട് പേർ മരിച്ചതിനാൽ 31 പേരാണ് വിചാരണ നേരിട്ടത്. തളിപ്പറമ്പിലെ ഡി.വൈ.എഫ്.ഐ പ്രവർത്തകരായിരുന്ന കെ.വി സുമേഷ്, പി.ഗണേഷൻ എന്നിവരാണ് കേസിലെ ഒന്നും രണ്ടും പ്രതികൾ. സിപിഎം കണ്ണൂർ ജില്ലാ സെക്രട്ടറിയായിരുന്ന പി.ജയരാജന്റെ വാഹനവ്യൂഹം തടഞ്ഞ് നിർത്തി ആക്രമിച്ചു എന്ന് ആരോപിച്ച് അരിയിലിലെ എംഎസ്എഫ് നേതാവും, യൂത്ത് ലീഗ് പ്രവർത്തകനുമായ ഷുക്കൂറിനെ പരസ്യവിചാരണ ചെയ്ത് കൊലപ്പെടുത്തിയെന്നാണ് കേസ്. 2012 ഫെബ്രുവരി 20 നാണ് തളിപ്പറമ്പിലെ ചുള്ളിയോട് വയലിൽവെച്ച് ഷുക്കൂറിനെ കൊലപ്പെടുത്തിയത്.

Share this story

Leave a Comment

Your comment will be visible after admin approval.