ബിജെപി വിടാനുള്ള തീരുമാനം വ്യക്തിപരമാണെന്നും പാർട്ടിയോട് പരാതികളൊന്നുമില്ലെന്നും പത്മജ

Global Indian Writer · November 19, 2026 · 1 min read · 0 Comments · 0 Shares

തിരുവനന്തപുരം: ബിജെപി വിടാനുള്ള തീരുമാനം വ്യക്തിപരമാണെന്നും പാർട്ടിയോട് പരാതികളൊന്നുമില്ലെന്നും പത്മജ വേണുഗോപാൽ. ബിജെപിയുടെ ദേശീയ അധ്യക്ഷന് രാജിക്കത്ത് നൽകിയതായും കോൺഗ്രസിലേക്ക് മടങ്ങാനുള്ള തീരുമാനം സ്വന്തം നിലയിൽ എടുത്തതാണെന്നും അവർ വ്യക്തമാക്കി. കോൺഗ്രസ് പാരമ്പര്യമുള്ള താൻ ബിജെപിയിലേക്ക് പോകാൻ പാടില്ലായിരുന്നുവെന്ന് ഇപ്പോൾ തോന്നുന്നുവെന്നും പത്മജ പറഞ്ഞു.
ബിജെപിയിൽ ചേരുമ്പോൾ പാർട്ടിയിൽനിന്ന് എന്തെങ്കിലും വാഗ്ദാനം ലഭിക്കുമെന്ന പ്രതീക്ഷയുണ്ടായിരുന്നില്ല. ബിജെപിയിൽനിന്ന് മത്സരിക്കാൻ താൽപര്യമില്ലായിരുന്നു. ബിജെപി വിടുന്ന കാര്യം കെ. മുരളീധരനോട് മാത്രമാണ് പറഞ്ഞത്. ബിജെപിയിൽ പ്രവർത്തിച്ചിരുന്ന സമയത്തും കോൺഗ്രസ് നേതാക്കളുമായി ആശയവിനിമയം നടത്തിയിരുന്നു. രാഷ്ട്രീയ പ്രവർത്തനം തുടരുമെന്നും പത്മജ വ്യക്തമാക്കി.

Share this story

Leave a Comment

Your comment will be visible after admin approval.