ന്യൂഡല്ഹി: സൗത്ത് ഡല്ഹിയിലെ മാളവ്യ നഗറില് ഹോട്ടലിലുണ്ടായ തീപിടിത്തത്തില് മരിച്ച 21 പേരില് 18 പേരും വിദേശികള്. നൈജീരിയ, മൊസാംബിക്, സോമാലിയ, ലൈബീരിയ, അഫ്ഗാനിസ്ഥാന്, ബംഗ്ലാദേശ് സ്വദേശികളാണ് മരിച്ച വിദേശികള്. ഇവരുടെ കാര്യത്തില് വിദേശ എംബസികളുമായി ബന്ധപ്പെടുന്നുണ്ടെന്ന് വിദേശകാര്യ മന്ത്രി എസ്. ജയ്ശങ്കര് പറഞ്ഞു.
വിദേശികള് ചികിത്സക്കെത്തുന്ന ഒരു സ്വകാര്യ ആശുപത്രി ഹോട്ടലിന് തൊട്ടടുത്താണ്. ഇതാണ് നിരവധി വിദേശികള് താമസത്തിന് ഈ ഹോട്ടല് തിരഞ്ഞെടുക്കാന് കാരണം.
മാളവ്യ നഗറിലെ തീപിടിത്തത്തിന്റെ പശ്ചാത്തലത്തില് കെട്ടിടങ്ങളിലെ അഗ്നിരക്ഷാ സംവിധാനങ്ങള് പരിശോധിക്കാന് ഒരുങ്ങുകയാണ് ഡല്ഹി സര്ക്കാര്. ഹോട്ടലുകളും കെട്ടിടങ്ങളും സുരക്ഷാ മാനദണ്ഡങ്ങള് പാലിക്കുന്നുണ്ടോ എന്ന് അന്വേഷിക്കും. വീഴ്ച വരുത്തിയവര്ക്കെതിരെ നടപടി സ്വീകരിക്കും. ലെഫ്. ഗവര്ണറുടെ അധ്യക്ഷതയില് ചേര്ന്ന ഉന്നതതല യോഗത്തിലാണ് തീരുമാനം.
Leave a Comment
Your comment will be visible after admin approval.