ജോലി വാഗ്ദാനം ചെയ്ത് ദലിത് യുവതിയെ പീഡിപ്പിച്ച കേസിൽ കൗൺസിലർ പ്രശോഭിന് ജാമ്യമില്ല

പാലക്കാട്: ജോലി വാഗ്ദാനം ചെയ്ത് ദലിത് യുവതിയെ പീഡിപ്പിച്ച കേസിൽ പാലക്കാട്ടെ നഗരസഭാ കൗൺസിലർ പ്രശോഭിന് ജാമ്യമില്ല. ജാമ്യം തേടിയുള്ള പ്രശോഭിന്‍റെ അപേക്ഷ ഹൈക്കോടതി നിഷേധിച്ചു. നിലവിൽ റിമാൻഡിൽ കഴിയുകയാണ് പ്രശോഭ്.

വിശദമായ വാദങ്ങൾക്ക് ശേഷമാണ് കോടതി ജാമ്യാപേക്ഷ നിഷേധിച്ചത്. പ്രതി സാക്ഷികളെ സ്വാധീനിക്കാനോ തെളിവുകൾ നശിപ്പിക്കാനോ സാധ്യതയുണ്ടെന്ന് കോടതി നിരീക്ഷിച്ചു. നേരത്തെ, മുൻകൂർ ജാമ്യാപേക്ഷ മണ്ണാർക്കാട് കോടതി തള്ളിയതിനെ തുടർന്നാണ് പ്രശോഭ് ഹൈക്കോടതിയെ സമീപിച്ചത്.